Encyclopedia of Prophetic Hadiths

ئه‌ز تووشی زڤڕۆكا هه‌یڤانه‌ دبم و ئه‌ز پاقژ نابم (خوینا من ڕاناوه‌ستیت)، ئه‌رێ ئه‌ز نڤێژێ بهێلم؟ گۆت: ((نه‌خێر، ئه‌ڤه‌ ڕه‌هه‌كه‌‌، به‌لكی تو ب قه‌ده‌ر وان ڕۆژێن ته‌ به‌ری نوكه‌ ب ده‌مێ زڤڕۆكا هه‌یڤانه‌ (حه‌یز) دگرتن نڤێژێ بهێله‌، پاشی سه‌رێ خۆ بشۆ و نڤێژا خۆ بكه‌)).

ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) سه‌رێ خۆ ژ به‌ر جه‌نابه‌تێ شویشتبا؛ ل ده‌ستپێكێ هه‌ردوو ده‌ستێن خۆ دشویشتن و ده‌ستنڤێژه‌ك دگرت وه‌كی وێ یا بۆ نڤێژێ دگریت، پاشی سه‌رێ خۆ دشویشت، ب ده‌ستێن خۆ ئاڤ دگه‌هانده‌ بنێ پرچا خۆ، ده‌مێ پشتڕاست دبوو كو ئاڤ یا گه‌هشتییه‌ پیستێ سه‌رێ وی، سێ جاران ئاڤ ب سه‌ر سه‌رێ خۆدا دكر، پاشی هه‌می له‌شێ خۆ دشویشت. عائیشایێ گۆت: من و پێغه‌مبه‌ری (صه‌لات و سه‌لامێن خودێ ل سه‌ر بن) هه‌ردووكان د ئێك ته‌ستدا سه‌رێ خۆ دشویشت و مه‌ هه‌ردووكان ئاڤ ژێ وه‌ردگرت.