Encyclopedia of Prophetic Hadiths

Nelaaɗo yo jam e kisal won e makko juulnii amen juulde subaka ka pottal Hudaybiyya caggal de toɓno jemma, nde o firlati faade e amen o maaki: mbela hoɗon nganndi ko Joom mon daali?" ɓe mbii: ko Alla e Nelaaɗo mum ɓuri anndude, O maaki: " fini e jiyaaɓe Am gooŋɗin ɓe Mi e yedduɓe Mi, tawi ko oon biiɗo min toɓra ko e ɓural yurmeen- nde Alla, oon ko gooŋɗinɗo Mi ko o jedduɗo koode, tawi ko oon biiɗo min toɓira ko sabu hoodere maaniire wollo maaniire, oon ko jedduɗo Mi ko gooŋɗinɗo hooere".

Gorko wi'i: An Nelaaɗo mbela emin njaggire ko min mbaɗno saanga Jaahiliya-majjiyankooɓe-? O maaki:" kala moƴƴinɗo e islaam o jaggirtaake ko o waɗno saanga majjiyankooɓe, kala mbo bonni e islaam o jaggire ko adii ko e sakkati ".

" Kala kawruɗo e Alla tawi o renndinaani mbo e goɗɗo o naata aljanna, kala kawruɗo e makko hombo renndini Mbo e goɗɗum o naata yiite.

Mbii mi: Aan Nelaaɗo, Ibnu Jad'aan hombo jokkatno enɗam e saanga jaahiliya(ko adii islaam), o yammina miskiin, mbela ɗuum ina nafa mbo? o maaki:" nafataa mbo, sabu o feerah wiide: Joom am yaafo mi goopi am ɗi ñande ñalngu njoɓdi".

Nelaaɗo Alla yo jam e kisal won e makko maakani Bappa makko(wi):" wii: Alah dewateeɗo e goongo mbo wonah Alla, mi seedana ma ɗuum ñande darnga",o wii: sinnda wonaana Quraysi ngaybinatno mi, ɓe mbi'a: ko kulol taki ɗum wiide noon ma mi ɓuuɓniratna ɗum ɓernde ma, Alla tellini:"Aan a feewnatah mbo njiɗɗa kono pellet ko Alla feewnata mbo haaji" -Al Qasasi: aaya 56,

Nde min njooɗdino e Annabi ka misiide gorko gooto naati hombo e ngeloobo, o jusiba e misiide refti o tonngiba, refti o wi'i ɓe: hombo e mon woni muhamadu? Tawi Annabi ina ɓaari (wahi)hakkunde maɓɓe, min mbi'i: ko o gorko daneejo tuugniiɗo, gorko o wi'i: Aan ɓiy Abdul Muɗɗalibi, Nelaaɗo maaki: " mi jaabiimo ma" gorko o wi'i: komi naaɓnatooɗo ma, te mi satti- nanat ma naamnagol, woto jaggiram ɗuum e fittaandu ma? O maaki: " naamna ko feeñan ma" o wii: mbeɗa naaɓnoro ma joom ma e joom adiiɓe ma, mbela ko Alla nel ma e yimɓe ɓe fof? O maaki :"Aan Alla eey" o wii: mbeɗa naamnor ma Alla mbela ko Alla yamir ma nde min njuulata juulɗeele joy nder ñalawma e jemma? Nelaaɗo maaki"Aan Alla eey" o wii: mbeɗa naaɓnor ma Alla mbela ko Alla yamiri ma nde min koorata ndu lewru e hitaande? O maaki;" Aan Alla eey" gorko o wii: mbeɗa naamnor ma Alla mbela ko Alla yamir ma nde nanngata o sadak e alɗuɓe peccaa mbo e waasɓe? O maaki" Aan Alla eey" o wii: mi gooŋɗanii ko ngadduɗa ko, miin ko mi nelaaɗo, yimɓe am ina caggal am, ko miin woni Dammaam Ibnu Saalabata musiɗɗo Banuu Saadu Ibnu Bakrin.