Encyclopedia of Prophetic Hadiths

" darnga darataaka haa (faa)naange fuɗira mutirgel (janirgal)mannge, si nge fuɗii yimɓe ɓe nji'i nge kamɓe fof ɓe ngooŋɗina, ndeen woni nde:(iimaan nafatah fittaandu si wonah gooɗingol ngol o gooŋɗinno ko adi, wollo o faggi moƴƴere e gooŋɗingol makko he moƴƴere)-An'aam 158- ma darnga dara tawa worɓe ɗiɗo ina mberti comci maɓɓe hakku nde maɓɓe tawaɓe coodratah ɗi ɓe cowatah ɗi, pellet ma darnga dara tawa gorko ina firlati e kosam ngeloba mum njarla tawa o yaratah ɗam, ma darnga dara tawa neɗɗo ina feewna weendu mum tawa o yaratah heen, ma darnga dara tawa gooto e mon ina ɓami lonngere faade e hunduko mum tawa o meeɗataaa nde".

" Ma maayde adde honde wa'i e njawdi toddiri, noddoowo nodda: eey yimɓe aljanna, ɓe ɗoɗo ɓe ndaara, o wi'a: mbela o hoɗon nganndi ɗum? Ɓe mbi'a eey, ɗum ko maayde, kamɓe fof ɓe nji'inonde, refti o nodda: eey yimɓe yiite, ɓe ɗoɗo ɓe ndaara, o wi'a: mbela hoɗon nganndi ɗum? Ɓe mbi'a eey, ɗum ko maayde, kamɓe fof ɓe ni'iinonde, nde hirse, noddoowo nodda: eey yimɓe aljaana, caasal, maayde alah, eey yimɓe yiite hanti ko caasal, maayde alah, refti o jannga:- jeertinɓe ñande mette ɓernde saanga nde huunde nde ñaawa taw hoɓe e welsindaare- Maryama 39- ɓe ɓe ngoni ko e welsindaare yimɓe aduna- ɓeen ɓe ɓe gooŋɗinaani- simoore mariyama: aaya 39-".

" darnga darataaka haa mbarandiron e Yahuud, haa haayre nde yahuudiyanke woni caggal mum wi'a: Aan juulɗo o ko yahuudiyanke war mbo"

" Pellet Alla ma falta gorko e leñol am e dow ko'e tagaaɗe ñande darngo o wertane capanɗe jeenay e jeenay ɗerewol, kala heen ɗerewol ina tolno fotde ɗo yitere haaɗata, refti O wi'a: Mbela haɗa yedde huunde e ɗum? Mbela winndooɓe Am reenooɓe tooñii ma? O wi'a alah Joom am, O wi'a mbela haɗa jogii ngantu? O wi'a alah Joom am, O wi'a: Oho kay haɗa jogii ka am moƴƴere, hannde a tooñetaake, ɗerewol yaltine ina heen: Mbeɗa seede wonde deweteeɗo e goongo alah si wonah Alla, e mbeɗa seedo wonde Muhamdu ko maccuɗo Mum ko nelaaɗo Alla, O wi'a addu peese ma, o wi'a Aan Joom am, hono ngal kartal waadi e ɗii ɗereeji? O wi'a aan a tooñe-taake hannde, O wi'a pawee ɗereeji ɗi e balaas pawon kartal ngal e peesirgal, ɗereeji ɗi koyi, kartal ngal nisi, alah ko ɓurata ko wondi e Innde Alla nisde".

Annabi yo jam e kisal ngon e makko jaŋtiima huunde, O maaki(owi):" saanga jahgol ganndal" mbii mi: Aan Nelaaɗo Alla hono ganndal yahrata, mbeɗa min njannga Quraana, min njanngina mbo ɓiɓɓe amen, ɓiɓɓe amen ne njanngina ɓiɓɓe maɓɓe haa ñande darnga? O maaki:" yo yummaa waas ma Jiyaad, haysi woni mbeɗa yi'a ko aan ɓuri feɗɗitaade e Fiqhu e Madiina, mbela Yahuud en e Nasaara en njanngatah Tawreeta e Injiila, te ɓe ngollirtah hay huunde ko woni e nder majje?".

" Weendu am ndu foti ko yahannde lewru, ndiyam hendu ɓuri kosam ranwude, mbalangol hendu ɓuri misku uurde baraaɗe hendu mba'i ko koode kammu, kala jarɗo e hendu ɗomɗatah haa bada"