Encyclopedia of Prophetic Hadiths

" Nde Alla tagi aljanna e yiite O neli jibriil yo o his faade aljanna, O wi'i ndaar mba e ko keblan Mi jom en hembo, Jibriil ndaari mba o rutti, (o warti)o wi'i: E teddungal Ma hay gooto nanataa mba si wonah o naata mba,O yamiri mba fiiltira gañaaɗi, O wi'i:yah ndaara ko keblan Mi yimɓe hembo, o ndaari mbo ndeke hombo fiiltira gañaaɗi, o wii: E teddungal ma mi huli nde hay gooto naatataa mba, O wi'i: yah ndaar jayngol e ko keblan mi yimɓe hengol e nder maggol, o ndaari ngol ndeke hongol waɗɗandiri, o wi'i e teddungal ma hay gooto naatatah ngol, O yamiri ngol fiiltira tuuyaaji, O yamari mbo yo o rutto rutto o ndaara ngol rutti (owarti)o wii: E teddungal Ma mi huli nde hay gooto waawata daɗde heen si wonah o naata e hengol".

" Kala newnanɗo cattiraaɗo, wollo (nane)o ustani mbo, Alla ɗowdina mbo ñande darnga e les ɗowdi Arsi Makko ñande ɗowdi(beelo) alah si wonah ɗowdi(beelo) Makko".

" Alah mbela ma ar jamaanu yottoo e gorko Hadiis ummaade e Am tawa hombo tuggii e leeso makko o wi'a: iana hakkunde men deftere Alla, ko min tawi e mayre ina dagi min ndakna ɗum, ko min tawi e mayre ina harmi min karmina ɗum, ngannde pellet kala ko Nelaaɗo Alla harmini ko hono ɗuum woni ko Alla harmini"

" Pellet Alla ma falta gorko e leñol am e dow ko'e tagaaɗe ñande darngo o wertane capanɗe jeenay e jeenay ɗerewol, kala heen ɗerewol ina tolno fotde ɗo yitere haaɗata, refti O wi'a: Mbela haɗa yedde huunde e ɗum? Mbela winndooɓe Am reenooɓe tooñii ma? O wi'a alah Joom am, O wi'a mbela haɗa jogii ngantu? O wi'a alah Joom am, O wi'a: Oho kay haɗa jogii ka am moƴƴere, hannde a tooñetaake, ɗerewol yaltine ina heen: Mbeɗa seede wonde deweteeɗo e goongo alah si wonah Alla, e mbeɗa seedo wonde Muhamdu ko maccuɗo Mum ko nelaaɗo Alla, O wi'a addu peese ma, o wi'a Aan Joom am, hono ngal kartal waadi e ɗii ɗereeji? O wi'a aan a tooñe-taake hannde, O wi'a pawee ɗereeji ɗi e balaas pawon kartal ngal e peesirgal, ɗereeji ɗi koyi, kartal ngal nisi, alah ko ɓurata ko wondi e Innde Alla nisde".