Peyğəmbər Hədisləri Ensiklopediyası

"Misvak ağzın təmizliyi, Rəbbin isə razılığıdır".

"Müəzzin: "Allahu Əkbər, Allahu Əkbər" dediyi zaman sizlərdən biri ixlasla: "Allahu Əkbər, Allahu Əkbər" desə, sonra: "Əşhədu əllə iləhə illəllah" dediyi zaman: "Əşhədu əllə iləhə illəllah" desə, sonra: "Əşhədu ənnə Muhammədən rasulullah" dediyi zaman: "Əşhədu ənnə Muhammədən rasulullah" desə, sonra: "Həyyə aləs-salə!" dediyi zaman: "Lə həulə va lə quvvətə illə billəh" desə, sonra: "Həyyə aləl-fələh!" dediyi zaman: "Lə həulə va lə quvvətə illə billəh" desə, sonra: "Allahu Əkbər, Allahu Əkbər" dediyi zaman: "Allahu Əkbər, Allahu Əkbər" desə və sonra da: "Lə İləhə illəllah" dediyi zaman: ürəkdən "Lə İləhə illəllah" desə Cənnətə girər".

Abdurrahmən ibn Avfın zövcəsi olan Ummu Həbibə bint Cəhş qan haqqında Allah Rəsuluna (Allahın salavatı və salamı onun üzərinə olsun) şikayət etdi (bu barədə soruşdu). Allah Rəsulu (Allahın salavatı və salamı onun üzərinə olsun) isə: “Heyz səni saxladığı müddətcə gözlə, sonra yuyun” dedi. O, isə hər namaz üçün qüsl alardı.

Peyğəmbər (Allahın salavatı və salamı onun üzərinə olsun) bir saa ilə beş mudd arası miqdarında su ilə qüsl və bir mudd ilə dəstəmaz alardı.

"Kim Allah üçün həcc edərsə, (həcc əsna­sın­da qadını ilə) yaxınlıq etməsə və söyüş söyüb pis sözlər danışmasa, həccdən anadan doğulduğu kimi (günahsız) qayıdar".

Peyğəmbərlə (Allahın salavatı və salamı onun üzərinə olsun) səfərlərdən birində idim, (o dəstəmaz alarkən) Peyğəmbərin (Allahın salavatı və salamı onun üzərinə olsun) (ayağını yuması üçün onun ayağındakı) xuflarını çıxartmaq üçün əllərimi uzatdım, bu zaman belə dedi: "Onları çıxarma, çünki mən təharətli (dəstəmazlı) olarkən onları geymişəm". Sonra onlara məsh çəkdi.

«Sizdən biri məscidə daxil olduqda, oturmazdan əvvəl iki rükət namaz qılsın».

Peyğəmbər (Allahın salavatı və salamı onun üzərinə olsun) sol əli ilə ipək və sağ əli ilə qızıl götürdü, sonra əllərini qaldırıb dedi: "Bu iki şey ümmətimin kişilərinə haram, qadınlarına isə halaldır".