Encyclopedia of Prophetic Hadiths

«Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo, la ad a yaa zĩ-peelle, tɩɩs ka be ye, la a tɩɩsã selb yaa "Sʋbhaanallaah, wa Alhamdu lillaah, wa laa'ɩlaaha ɩllallaah, wa Allahʋ akbarʋ= yɩlgemd be ne Wẽnde, pẽgr be ne Wẽnde, la soab ka be rẽnda Wẽnde, la Wẽnd n yɩɩd bedrem».

«Ra wa bao-y pʋ-bεda n wa tall yamleoog ne dũni wã ye».

Yii Nabiyaamã nengẽ (Wẽnd pʋʋsg la A tɩlgr be a yĩnga) t'a rag n yɩɩme t'a sã n kẽ miisrã, a yetame: «Aʿʋʋzʋ Billaahɩ Al-ʿAẓɩɩm, Wabɩ waghɩhɩɩ Alkarɩɩm, wa sʋlṭaanɩhɩɩ Alƙadɩɩm, Min Aš-šayṭaan Arragɩɩm= m kota gũudum ne Wẽnd sẽn Zɩsã, la ne A Nengã sẽn yaa Wagellã, la A Naamã sẽn yaa kʋdrã, n yi a sʋɩtãan b sẽn lobã», tɩ ned yeele: sεε woto? Tɩ mam yeele: n-yee. T'a yeele: a sã n yeel woto, la sʋɩɩtãanã sẽn yeele: b gũ-a lame n yi maam raarã gilli.

«Sagl-y y koambã tɩ b pʋʋse, tɩ b sã n wa tar yʋʋm a yopoe, la y pãb-ba Pʋʋsgã yĩnga tɩ b sã n wa yaa yʋʋm piig koamba, la y welg-b ne taab sʋka, gãasẽ wã».

«Ad sẽn be Gɩhaadɩ bεdã pʋga, yaa sɩd-gomd naab sẽn yaa wẽgd taoore».

«Sẽn be ninsaal Lɩslɑoong mɑnegr pʋgẽ: yɑɑ ɑ sẽn bɑs sẽn pɑ pɑk-ɑ».

«Ad Wẽnd maana faril-rãmb tɩ yaa tɩlae, bɩ y ra yeeb-b ye, la A yãk todse, bɩ y ra zʋʋg-b ye, la A gɩdg yεla, bɩ y ra tʋg n maan-b ye, la A sĩnd n bas yεla, tɩ yaa yolsg ne yãmba, ka yĩmb ye, bɩ y ra bao n pẽes n bãng-b ye».

«Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo, la sã n yaa yel-yɩts a yiibu, tɩ yaa tɩlae tɩ yɩ : yaa tɩ ned ning sẽn maana kaalem n ka maan lagem-n-taar ne Wẽnde, a kẽeda arzãna, la ned ning sẽn maan kaalem t’a maana lagem-n-taar ne Wẽnde, a kẽeda Bugmẽ, la sã n yaa bũmb ne a to bilgrã : yaa ned ning sẽn na n saag tʋʋm sõngo, halɩ t’a sũurã wa tʋg n tags-a, tɩ Wẽnd sẽn mi t’a rɩka Anniy-kãngã wã A gʋlsda yel-sõmd a yembr n kõ-a, la ned ning sẽn tʋma wẽnga b gʋlsda wẽng a yembre n rogl-a, la sẽn tʋma yel-sõmde, b gʋlsda piig bilgri n kõ-a, la ned ning sẽn wa n yãka n nafe, sẽn yaa nafa ning fãa Wẽnd sorã poorẽ, yẽnda rolb yaa yel-sõmb kobs-yopoe. La sã n yaa ne nebã: be b pʋgẽ Wẽnd sẽn yalg a soab rɩtl dũni n na weoog a soab rɩtl laahr raarã, la ned b sẽn weoog a soab rɩtl dũni kaanẽ, n na n yalg a rɩtl laahr raarã, la ned b sẽn weoog a soab vɩɩm dũni la laahre, la ned b sẽn yols a soab vɩɩm dũni la laahr raare».