Encyclopedia of Prophetic Hadiths

«Tabl-y sɩda, tɩ ad sɩd peegdame n tʋgd manegre, la manegr peegdame n tʋgd arzãna, la ned ka bakd n togsd sɩda la a gũusd sɩd togsgo, halɩ tɩ b wa tʋg n gʋls-a Wẽnd nengẽ t'a yaa sɩd soaba. La y gũus ne zĩri-beedo, tɩ ad zĩri-beed peegdame n tʋgd wẽngẽ, wẽng me peegdame n tʋgd Bugmẽ, la ned ka bakd n yagda la a tũusd yagbo, hal tɩ b wa tʋg n gʋls-a Wẽnd nengẽ t'a yaa pʋ-yagda».

B togsa Nabiyaamã nengẽ (Wẽnd pʋʋsg la A tɩlgr be a yĩngɑ) ned yelle, sẽn na n gũs yʋngo halɩ n tʋg n vẽeg beoogo, la a yeel yã: «Ad yẽnda yaa ned sʋɩɩtãanã sẽn rʋʋd a tʋb a yiibẽ wã! "Bɩ a yeelame" A tʋbrẽ wã».

«Rẽenem b sẽn na n bʋ nebã ne taab sʋka dũni yikr raarã yaa zɩɩmẽ wã».

M soka Nabiyaamã, (Wẽnd pʋʋsg la A tɩlgr be a yĩngɑ) yaa zũnuub pʋgo zɩslem n yɩɩd Wẽnd nengẽ? T'a yeele: «yaa fo sẽn na n maan mak-n-taag ne Wẽnde, tɩ Yẽ n yaool n naan foom», tɩ mam yeele: ad rẽ sɩd yaa yel-bedre, la m soke: rẽ poorẽ yaa bõe? T'a yeele: «yaa fo sẽn na n kʋ f biiga, fo sẽn yεεsd t'a na n wa naag foom n rɩ tɩ ka seke». Tɩ mam yeele: rẽ poorẽ yaa bõe? T'a yeele: «yaa fo sẽn na n yo ne f yak paga».

«Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ».

Nabiyaamã, (Wẽnd pʋʋsg la A tɩlgr be a yĩngɑ) yeela gomde tɩ mam yeel gomd a to, Nabiyaamã yeelame, (Wẽnd pʋʋsg la A tɩlgr be a yĩngɑ):" Ned ning sẽn maana kaalem tɩ yẽ kota gees-n-taag zẽng sẽn ka yɩ Wẽnde, a kẽeda Bugmẽ, tɩ mam yeele: ned ning sẽn maana kaalem, tɩ yẽ soab ka kot gees-n-taagɑ zẽng sẽn ka Wẽnde, a kẽeda arzãna.

Wẽnd Tẽn-tʋʋma, -Wẽnd Tẽn-tʋʋma, Wẽnd pʋʋsg la A tɩlgr be a yĩnga-, yẽsa tõndo, yẽnda me la sɩd soaba b sẽn kõt a soab goɑm sɩdã, a yeelɑme: «ad yãmb yembr fãa, b tigimda a naanegã, a ma wã pʋgẽ rasem pis-naas la yʋnd pis-naase, t'a yaa zɩ-pelle, rẽ poorẽ a yɩta nem gilgu woto buudo, rẽ poorẽ t'a yɩ nem gilgu woto buud yεsa, rẽ poorẽ tɩ b tʋms malεk a nengẽ, n sagl malεkã ne goam a naase: t'a gʋls a rɩtlã, la a vɩɩmã tεka, la a tʋʋmã, la a yaa zu-beed ned maa zu-no neda, rẽ poorẽ tɩ b fʋʋs yõorã a pʋgẽ, la yãmb yembr fãa tõe n wa maan arzãn koamb tʋʋma, halɩ tɩ yẽ ne arzãnã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ Bugum biiga, t’a maan Bugmã koam tʋʋmã n tʋg n kẽ Bugma, la yãmb yembr fãa tõe n wa maana Bugum koamb tʋʋma, halɩ tɩ yẽ ne Bugmã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ arzãn biiga, t’a maan arzãnã koam tʋʋmã n tʋg n kẽ arzãnã».

Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) wilga maam -tɩ mam tallã be a tal a yiibã sʋka- Sahdã wala a sẽn wilgd maam sʋʋrã Alkʋrãanẽ wã: «At-tahɩyaatʋ Lɩllaahɩ, waṣ-ṣalawaatʋ waṭ-ṭaybaatʋ, assalaamʋ alayka Ayyʋhannabɩyʋ wa rahmatʋllaahɩ wabarakaatʋhʋ, assalaamʋ alaynaa wa ʿalaa ʿɩbaadɩllaah Aṣ-ṣaalɩhɩɩna, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋhʋʋ wa rasʋlʋʋhʋʋ». La wɑɑ Al-bʋhɑɑri lɑ Muslim pʋgẽ gom-biis ɑ tɑɑbɑ, yeelɑme: «Ad Wẽnde, Yẽ la Tɩlgrã (Assalaamu) rẽnd yãmb yembr fãɑ sã n zĩnd Pʋʋsgẽ wã, bɩ a yeele: «At-tahɩyaatʋ lɩllaahɩ, waṣṣalawaatʋ waṭ-ṭaybaatʋ, Assalaamu Alayka Ayyʋhannabiiyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣ-ṣaalɩhɩɩna», rẽnd a sã n yeel-a a yel-sõmdã tata Wẽnd yamb sõng fãa sẽn be saasẽ la tẽngẽ, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋʋ wa rasʋʋlʋhʋʋ, rẽ poorẽ, a tũus yẽ sẽn rat n na n bõos bũmb ning fãa, n kose»