721 Hadiths

Encyclopedia of Prophetic Hadiths

A trusted digital reference for Islamic content in over 100 languages

«Ad alkaool ning sẽn be tõnd ne b sʋka, yaa Pʋʋsgã, rẽnd ned ning sẽn bas-a, a kɩflame».

Naṣʋn Ṣahɩɩhʋn (Gom-sikdem sẽn manege) A At-tirmiiziy la a An-nasaa'ɩy la a ɭbn Maaǧa la a Ahmad n reeg-a

«Liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, -noor a tãabo», la ned ka be tõnd pʋgẽ wã, rẽndame t'a saag-a, la Wẽnde, (A Naam yɩ wagell n zẽke), A loogɑ ne-a ne bobl-m-meng ne Wẽndã.

Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a ɭbn Maaǧa la a Ahmad n reeg-a

"ned ning sẽn wẽena, tɩ pa yɩ ne Wẽnde, a soab kɩflame maa a maana lagm-n-taare"

Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmiiziy la a Ahmad n reeg-a

«Ned ning sẽn wa n tʋg n moka bãngr sẽn yaa ãds bãngre, ad a moka bãngr sẽn yi tɩɩmã bãngrẽ, yẽ me paasa tɩɩmã a sẽn paas ãdsã karengã yĩnga».

Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a ɭbn Maaǧa la a Ahmad n reeg-a

Wẽnd Tẽn-tʋʋma, Wẽnd pʋʋsg la A tɩlgr be a yĩnga, pʋʋsa ne bãmba, Fagr yibeoog Pʋʋsgã Hʋdaybiya zĩigẽ wã, la yaa saag sẽn ni yʋngã poorẽ, la Nabiyaamã sẽn wa n sε Pʋʋsgã, a lebg n togla nebã n yeele: “ rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam, la sã n yaa neb nins sẽn yeel-b tɩ tõnd paama saag niib ne Wẽnd kũunã, la A yolsgã, bãmb yaa sẽn kõ sɩd ne Maam, n kɩfl ne ãdsã, la neb nins sẽn yeel tɩ: yaa ãd-kãngã la ãd-kãngã sababo la tõnd paam saagã, bãmb kɩfla ne Maam n kõ sɩd ne ãdse”.

Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)

«Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã, Wẽnd yeta dũni yikr raarã, (A Naam yɩ wagell n zẽke), b sã n wa rol nebã b tʋʋmã: kẽng-y neb nins nengẽ yãmb sẽn da maan tɩ b yãt dũni wã, n tʋg n gese rẽ yĩnga yãmb na n pɑɑmɑ rolb b nengẽ bɩɩ?».

Hasanʋn (be neere) A Ahmad n reeg-a

" ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã".

Naṣʋn Ṣahɩɩhʋn (Gom-sikdem sẽn manege) A Muslim n reeg-a

«Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga, la ned ning sẽn wa bag-bʋdga n kõ sɩd ne a sẽn yet-a, a soab kɩfla ne bũmb ninga b sẽn sik n kõ a Mohammadã, (Wẽnd pʋʋsg la A tɩlgr be a yĩnga)».

Hasanʋn (be neere) A Al-Bazaar n reeg-a