Encyclopedia of Prophetic Hadiths

Raoa n wa Nabiyaamã nengẽ, Wẽnd pʋʋsg la A tɩlgr be a yĩnga, n yeele : Tẽn-tʋʋmã, waagib-rãmb a yiibã yaa bõe ? Tɩ Nabiyaam yeele : « yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã».

"Kεngdbã halkame " a yeel-a-la noor a tãabo.

Tõnd ra bee Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ), tõnd d wae, maa nii, maa d yopoe, t'a yeele: «yãmb ka na n balam Wẽnd Tẽn-tʋʋm laa?» La tõnd ra yɩɩme n yaa sẽn balam paalem nanda. Tɩ tõnd yeele; ad tõnd balma foom Wẽnd Tẽn-tʋʋma, rẽ poorẽ t'a yeele: «yãmb ka na n balam Wẽnd Tẽn-tʋʋm laa?» Tɩ tõnd yeele: ad tõnd balma foom Wẽnd Tẽrn-tʋʋma, rẽ poorẽ t'a leb n yeele: «Yãmb ka na n balam Wẽnd Tẽn-tʋʋm laa?» T'a yeele: tɩ tõnd tẽeg d nusã n yeele, tõnd balma foom Wẽnd Tẽn-tʋʋma, la yaa bõe la d na n tik n balam foom? T'a yeele: «Yaa y tũ Wẽnde, la y ra maan lagem-n-taar ne Wẽnd baa fʋɩ ye, la y pʋʋs wakat a nu wã la y tũ, -la a solga gom-bila- la y ra bõos nebã baa fʋɩ ye». La mam yãa tõnd sõorã pʋga neb sãnda tɩ b yembr fãa sãbg tõe n lʋɩɩme t'a ka kos ned t'a rɩk n kõ-a ye.

«Malεgsã ka kẽed zak ning baaga maa nin-naand sẽn be a pʋgẽ ye».

«Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa». A yeelame: sã n ka rẽ yĩnga, b rag n na vẽneg Nabiyaamã yaoogã, la a d b yεεsame tɩ b ra wa rɩk-a n maan tɩ yaa misr ye.

«Wẽnd yeelɑme A nɑɑm zẽkame: Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã».

«Wẽnde (A Naam zẽk yã) A na n yeela Bugum koɑmbã nang sẽn yɩɩdɑ valeng dũni yikr raarã: rẽ yĩnga fo sã n rag n tarẽ bũmb ning sẽn be Tẽngã gilli, f rag n na n yaoome n põs bɩɩ? T'a yeele: n-yee, tɩ Wẽnd yeele: Mam rag n rata fo nengẽ valeng sẽn yɩɩd woto, rẽnda tɩ fo be a Adam zãnkuidgẽ wã: tɩ f ra maan Maam lagem-n-taar baa fʋɩ, tɩ fo zãgs tɩ rẽndame tɩ fo maan lagem-n-taag ne Maam».

Nabiyaamã, (Wẽnd pʋʋsg la A tɩlgr be a yĩngɑ) yeela gomde tɩ mam yeel gomd a to, Nabiyaamã yeelame, (Wẽnd pʋʋsg la A tɩlgr be a yĩngɑ):" Ned ning sẽn maana kaalem tɩ yẽ kota gees-n-taag zẽng sẽn ka yɩ Wẽnde, a kẽeda Bugmẽ, tɩ mam yeele: ned ning sẽn maana kaalem, tɩ yẽ soab ka kot gees-n-taagɑ zẽng sẽn ka Wẽnde, a kẽeda arzãna.