Encyclopedia of Prophetic Hadiths

Raar a yembre tõnd sẽn wa n zĩ Nabiyaamã nengẽ, (Wẽnd pʋʋsg la A tɩlgr be a yĩnga), miisrã pʋgẽ, la ned sẽn kẽ ne a yʋgemde, n gãneg a yʋgemdã miisrã pʋga, rẽ poorẽr t’a loe-a, n yaool n yeel bãmbã: yaa ãna la a Mohammad yãmb sʋka, tɩ Nabiyaamã, (Wẽnd pʋʋsg la A tɩlgr be a yĩnga) yaa sẽn kɩll bãmb sʋka, tɩ tõnd yeele: “ Yaa rao-kãngã sẽn yaa pεεlgã, sẽn kɩllã” la raoa yeele: “ a Abdʋl Mutalib biigã?” Tɩ Nabiyaamã, (Wẽnd pʋʋsg la A tɩlgr be a yĩnga), yeele: “m sak-f lame” tɩ raoa yeel Nabiyaamã, (Wẽnd pʋʋsg la A tɩlgr be a yĩnga), : “m na n soka foom la m na n kenga m meng n sok-fo, bɩ f ra sãam f sũur ne maam ye, tɩ Nabiyaamã yeel-a: “sok bũmb ning f sẽn rate” la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” la a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” T’a yeele: “ m Soab a Wẽnde, n-yee” t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” T’a yeele: “ m Soab a Wẽnde, n-yee”, t’a yeele: “ m yõkd-f-la sεεg ne Wẽnd, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee” tɩ raoa yeele: “ m kõo sɩd ne bũmb ning fo sẽn wa ne wã, la ma me yaa tẽn-tʋmda, n na n taas neb nins sẽn be mam poorẽ sẽn yaa mam nebã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda.

«Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye, a ka na n wa mam bãkẽ wã ye, la ned ning sẽn ka sɩdg-ba b zĩri-beedẽ wã, n ka sõng-ba b wẽgbã zugu, yẽ soabã a bee ne maam, la ma me bee ne-a, a na n waa mam nengẽ, bãkẽ wã».

«Ned ning sẽn tõdg taoor soab pʋgbo, la a welg n bas zamã wã n maan kaalem, ad a kii zɩɩlem kũum, lɑ ned ning sẽn wa n zabdẽ tɩ yaa tap-kaoor sẽn yaa lik tẽngre, n zabdẽ tɩ yaa buud yĩnga, maa a boondame n tʋgd zẽngre, maa a sõngda bu-welsgo, tɩ b kʋ-a, ad yẽnda yaa zɩɩlem kʋʋbo, la ned ning sẽn wa n yi n zabd ne mam poorẽ rãmbã, n kεεd a nin-sõng la a nin-wẽnga, n ka baood n na n welg a sɩd-kõta, n ka pidsd alkaool, ad a soab ka be ne maam la mam me ka be ne-a ye».

«Ad dĩin-kãngã yaa yol-yole, ad ned ka kengd dĩinã rẽndame t'a wil-a, bɩ y gãd taab kãenkãe, la y pẽneg taaba, la kõ taab sũ-noogr kibare, la y sõng taab yibeoog la zaabre la yʋngã pedgo».