Encyclopedia of Prophetic Hadiths

M wʋma Wẽnd Tẽn-tʋʋma (Wẽnd pʋʋsg la A tɩlgr be a yĩnga) t'a yetẽ: « Wẽnd yeelame (A Naam zẽk yã): Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye, Adem-biiga! Ad fo zũnuubã sã n ta saasã, rẽ poorẽ tɩ fo kos Maam yaafa, M yaafda foom tɩ Mam toog ka be ye, Adem-biiga! A d fo sã n wa Mam nengẽ ne tʋʋm tuuts sẽn ta Tẽngã tom, rẽ poorẽ tɩ fo seg Maam, n ka maan lagem-n-taar ne Maam baa fʋɩ, Mam na wa fo nengẽ ne yaafg sẽn ta Tẽngã tom».

Tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a sẽn wa n yi n kẽng Hʋnayn zabrã, a pɩʋʋga tɩɩse sẽn yaa kɩfr-rãmbã n so, tɩ b boond tɩ zaat anwaaṭ (tɩ-yagendga) ,tɩ b rɩkd b zab-teedã n yagend beenẽ, tɩ b yeele, Wẽnd Tẽn-tʋʋma, maan tɩ tõnd me tar tɩ-yagendga wala bãmb me sẽn tarã. Tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «Subhaanallaah, yãmb yel-kãnga yaa wala a Muusa nebã sẽn yeel-a wã: {bɑo soɑb sẽn yɑɑ rʋbgɑ n kõ tõnd me wɑlɑ nin-bãmbã sẽn tɑr soɑben-dãmb sẽn yɑɑ rʋbsã} [Al-Aaraaf: 138] la m wẽen ne mam yõorã sẽn be Naab ning nugẽ wã yãmb na n zomba sẽn reng-b yãmb tɑorã sore».

«Yolsdbã, Arrahmaan Naab na n yols-b lame, yols-y sẽn be b tẽngã, tɩ sẽn be a saasẽ wã na n yolsa yãmba».

«Biigɑ! ɑd mɑm nɑ n wĩnigɑ foo gom-biisi: gũus Wẽnd t'A nɑ gũus-fo, gũus Wẽnd tɩ fo nɑ mik-A f togellẽ wã, f sã n nɑ n kos bɩ f kos Wẽnde, lɑ f sã n nɑ n kos sõngre bɩ f kos Wẽnde, lɑ f bãnge: tɩ nebã fãɑ sã n nɑɑg tɑɑbɑ n nɑ nɑf foo ne bũmb b pɑ nɑ n nɑf foo rẽndɑ ne bũmb ningɑ Wẽnd sẽn gʋls n kõ foo, b sã n leb n tigim tɑɑbɑ n nɑ n nɑmes foo ne bũmbu b pɑ tõe n nɑmes foo rẽndɑ ne bũmb ning Wẽnd sẽn gʋls n doglg foomã, gʋls-mood zẽkɑme sεbã me kʋɩɩme».