Encyclopedia of Prophetic Hadiths

«Yãmb yembr fãa sã n tʋg n ta zĩigẽ, bɩ a ning sallem, la a sã n rat n na n zĩndi, bɩ a ning sallem, bala rẽenem sallemã, yẽ ka hakε n yɩɩd yaoolem soaba ye».

«Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo, la ad a yaa zĩ-peelle, tɩɩs ka be ye, la a tɩɩsã selb yaa "Sʋbhaanallaah, wa Alhamdu lillaah, wa laa'ɩlaaha ɩllallaah, wa Allahʋ akbarʋ= yɩlgemd be ne Wẽnde, pẽgr be ne Wẽnde, la soab ka be rẽnda Wẽnde, la Wẽnd n yɩɩd bedrem».

«Ra wa bao-y pʋ-bεda n wa tall yamleoog ne dũni wã ye».

«Sẽn be ninsaal Lɩslɑoong mɑnegr pʋgẽ: yɑɑ ɑ sẽn bɑs sẽn pɑ pɑk-ɑ».

«Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo, la sã n yaa yel-yɩts a yiibu, tɩ yaa tɩlae tɩ yɩ : yaa tɩ ned ning sẽn maana kaalem n ka maan lagem-n-taar ne Wẽnde, a kẽeda arzãna, la ned ning sẽn maan kaalem t’a maana lagem-n-taar ne Wẽnde, a kẽeda Bugmẽ, la sã n yaa bũmb ne a to bilgrã : yaa ned ning sẽn na n saag tʋʋm sõngo, halɩ t’a sũurã wa tʋg n tags-a, tɩ Wẽnd sẽn mi t’a rɩka Anniy-kãngã wã A gʋlsda yel-sõmd a yembr n kõ-a, la ned ning sẽn tʋma wẽnga b gʋlsda wẽng a yembre n rogl-a, la sẽn tʋma yel-sõmde, b gʋlsda piig bilgri n kõ-a, la ned ning sẽn wa n yãka n nafe, sẽn yaa nafa ning fãa Wẽnd sorã poorẽ, yẽnda rolb yaa yel-sõmb kobs-yopoe. La sã n yaa ne nebã: be b pʋgẽ Wẽnd sẽn yalg a soab rɩtl dũni n na weoog a soab rɩtl laahr raarã, la ned b sẽn weoog a soab rɩtl dũni kaanẽ, n na n yalg a rɩtl laahr raarã, la ned b sẽn weoog a soab vɩɩm dũni la laahre, la ned b sẽn yols a soab vɩɩm dũni la laahr raare».

«Sɩd-kũun ka be ne ned sẽn ka tar bas-m-yam ye, la dĩin me ka be ne ned sẽn ka tar alkaool ye».

Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga», rẽ poorẽ tɩ ned a yembr wa n yeele: "Assalaamu ʿalaykum wa rahmatʋllaah", (tɩlgr lɑ Wẽnd yosg be ne yãmbɑ). tɩ Nabiyaamã reeg a pʋʋsgã, t'a zĩndi tɩ Nabiyaamã yeele: «pis-yi», rẽ poorẽ tɩ ned a to wa n yeele: "Assalaamu ʿalaykum wa rahmatʋllaah wa barakaatuhuu", (tɩlgr lɑ Wẽnd yolsg la A bark be ne yãmbɑ), tɩ Nabiyaamã reeg a pʋʋsgã t'a zĩndi, tɩ Nabiyaamã yeele: «Pis-tã».

Neb nins sẽn da karemd tõnd Alkʋrãanã, sẽn yaa Nabiyaamã (Wẽnd pʋʋsg la A tɩlgr be a yĩng) sahaabsã, b yẽsa tõndo, tɩ bãmb rag n yɩɩme n reegd Wẽnd Tẽn-tʋʋma (Wẽnd pʋʋsg la A tɩlgr be a yĩng) nengẽ Aayae-rãmb piiga, rẽnd bãmb ka rag n leb n reegd Aayae-rãmb piiga a taaba, halɩ tɩ bãmb wa tʋg n bãng piig ning bãmb sẽn reegã, bũmb ning sẽn be a pʋgẽ, sẽn yaa bãngre la b leb n tʋm ne-ba, b yeelɑme: "rẽnd tõnd karema bãngrã la tʋʋmã".