Encyclopedia of Prophetic Hadiths

"Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaan Naabã rɩtg wεεngẽ, la A Nus a yiibã fãa rag n yaa rɩtgo, neb nins sẽn tẽegd tɩrga b bʋʋd wεεngẽ la b zags rãmbã la b taoor ningã b sẽn lʋɩɩs-ba".

Tɩ raoa n sok Nabiyaamã (Wẽnd pʋʋsg lɑ A tɩlgr be ɑ yĩngɑ) lɩslaangã yell bʋdo sõmblem n yɩɩde? T'a yeele: «rɩlg rɩɩbo la f ning sallem fo sẽn bãng a soab la fo sẽn ka bãng a soaba».

Tɩ raoa n yeel: Wẽn Tẽn-tʋʋmã ad mam tara rog-pẽtba, m tõkd-b lame tɩ b wãagd maam, la m manegd n tʋgd-ba tɩ b wẽngd maam, la m maan sugr ne-ba tɩ b maan zɩɩlem ne maam, t'a yeele: «Sã n mikame tɩ fo yaa wala fo sẽn yeelã, bɩ f bãng tɩ yaa wala fo fẽeg-b-la tom-pegl-tʋʋlga, la sõngr ka na n bak n be ne foom sẽn yi Wẽnd nengẽ, tɩ fo wil-ba tɩ fo sã n yaa woto bala».

«Ad Wẽnd yarda yamba, a sẽn na n rɩ n pẽg Wẽnde rɩɩbã yĩnga, maa a yũ bõn-yũudga n pẽg Wẽnd a yĩnga».

«Y ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa noang taaba, rẽ yĩnga, m ka na n wilg yãmb bũmbu, tɩ y sã n maan-a, y bʋʋda taab nonglem?: Sẽeg-y pʋʋsgã y ne taab zugu».

«Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã».

«Yols-y la y ra keng ye, la y noog nebã sũy la y ra yεεs-b ye».

"Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi, la ned ning sẽn kõta sɩd ne Wẽnde la yaoolem raarã bɩ a waoog ɑ yaka, la ned ning sẽn kõta sɩd ne Wẽnde la yaoolem raarã bɩ a waoog ɑ sãana".