Encyclopedia of Prophetic Hadiths

«Ned ning sẽn rulsa Sʋʋrat Al-kahf rẽenem Aayae piigã, a paamda gũudum n yi daggεεli» la togsg a to pʋgẽ: « sẽn yi Sʋʋrat Al-kahf yaoolem Aayae-rãmbã».

«Wẽnd yeelame, (A Naam zẽkame); Mam pʋɩɩ Pʋʋsgã Maam la M yambã sʋka, boɑg a yiibu, la Mam yambã, a sẽn kos bũmb ningã fãa, M na kõ-a, rẽnd Mam yambã sã n yeele: {Al-Hamdu lɩllaahɩ Rabbil- ʿaalamiin, =Pẽgr tiging be ne Wẽnde sẽn yɑɑ bõn-naandsã Nɑɑbã}. la Wẽnd sẽn yete: Mam yambã pẽga Maam. La a sã n yeele: {Ar-Rahmɑɑni Arrahɩmi, =Sẽn yɑɑ dũni gũbg-n-yols Nɑɑbã, n yɑɑ yɑoolem raar welg-n-yols Nɑabã}, La Wẽnd sẽn yete: Mam yambã soeesa Maam. La a sã n yeele: {Maalɩkɩ yawmɩ addiin, = n yɑɑ dĩinã rolb rɑɑr Nɑɑbã}, la A sẽn yete; Mam yambã waooga Maam. La Nabiyaamã yeela noor a yembre: Mam yambã rɩka a yellã n boblg Maam. La yambã sã n yeele: {ɭyyaka na' ʿabudu wa iyyaka nasta'ʿiin= Foo bɑl lɑ d tũudɑ, lɑ Foo bɑl lɑ d kot sõngre}, la A sẽn yete: wã yaa Maam la M yambã sʋka, la Mam yambã sẽn kos bũmb ningã a na paame. La a sã n yeele: {Ihdinaa'ṣ-ṣɩraaṭa al-mustaƙɩɩm Ṣiraaṭa'llaḏɩɩna anʿamta ʿalayhim, gayril-mag duubi ʿalayhim wala'ḍḍaallɩɩn =kãndg-d n tʋg so-tɩrgẽ wã; Fo sẽn mɑɑn neemã n kõ-b rãmbã sorã, zẽng sẽn pɑ b sẽn gẽ-b rãmbã lɑ sẽn menemdbã sorã ye}, la Wẽnd sẽn yete: wõnde yaa Mam yambã nengẽ, la Mam yambã sẽn kos bũmb ning n rat fãa gilli, a na paame».

«Ra rɩk-y y zagsã n maan tɩ yaa yaad ye, ad sʋɩɩtãanã zoetame n basd zak ning b sẽn karem Al-Baƙara a pʋgẽ»

«Yaa a Abʋʋ Munzire, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? a yeelɑme : tɩ mɑm yeele : Wẽnd la A tẽn-tʋʋmã n yɩɩd minim ne rẽ, t’a yeele : « a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri».

Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}, rẽ poorẽ t’a saag ne b yiibã, a yĩngã, a sẽn tõe tεka, a sɩngda saagrã a zugẽ wã la a nengã la yĩngã sẽn kellã, a maanda rẽnda noor a tãabo.

«Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa».

«B sika mam zugu Aɑyɑ-rãmbɑ, b ka yã b buud nand ye, b yaa "B sẽn kot gũudum ne sʋʋr-rãmb a yiib ninsã (Kʋl'aʋʋz-rãmb a yiibã)"».

Tɩ ned n wʋm a to t'a karemd (Ƙʋl Huwɑ Allɑɑh Ahadʋn) Yeele: "Yẽnda la Wẽnde, A yaa A Yembre) a sẽn wa n vẽeg beoogã a waa Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga) n togs-a, la nedã yaa wala a getame tɩ paoodame, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «M wẽen ne Naab ning mam yõorã sẽn be A Nugẽ wã, ad a rɩkda Alkʋrãanã sẽn pʋɩ tãab n yãk yembre».