Encyclopedia of Prophetic Hadiths

«Ned ning sẽn wa n zẽka zab-teed tõnd zugu, a ka be tõnd pʋgẽ ye».

«Pʋʋsg ka be tɩ rɩɩb sã n rɩgl ye, pa we-kεεng me sẽn na sẽk-a ye».

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a gɩdga som pok põngre.

«Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ».

"A Gibriil ka bak n sagend maam ne yaka, halɩ tɩ mam da tẽed t'a na n lagem-a-la fa-rɩtbẽ wã".

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã.

«Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe».

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme t'a sã n roog a poorã n yi rukuẽ wã Pʋʋsgã pʋgẽ, a yetame: «(Samiʿ Allaah lɩman hamɩdahʋʋ, Allaɑhumma Rabbɑnɑɑ lɑkɑl-hɑmdʋ, mil'ʋ-ssɑmɑɑwɑɑtɩ wɑl Ardi, wɑ mil'ʋ mɑɑ sɩ'itɑ min sɑy'ɩn bɑ'ad». = Wẽnd wʋma ned ning sẽn pẽg-A wã, d Soɑb ɑ Wẽnde pẽgr be ne Fo, sẽn pit sɑɑsã lɑ tẽngã, lɑ Fo sẽn tʋll bũmb ning fãɑ gilli».