Encyclopedia of Prophetic Hadiths

Tõnd yii yʋngo, saag sẽn ni la lik sẽn yaa kεgenga, n baood Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a wa pʋʋs nebã, a yeelame: tɩ mam tɩ paam-a, t'a yeele: «yeele» tɩ mam ka yeel baa fʋɩ ye, rẽ poorẽ t'a yeele: «yeele» , tɩ mam ka yeel baa fʋɩ ye, t'a yeele: «yeele», tɩ maam yeele: bõe la mam yeta? T'a yeele: «{Yeele: "Yẽnda lc",è:a Wẽnde, A yaa A Yembre} (kʋlhuwa Allah) la Ma'ʋʋzatayne (kʋl aʋʋz-rãmb a yiibã): fo sẽn wat n ta zaabr la fo sẽn wat n vẽeg beoogo, noor a tãabo, tɩ b sekda foom n yi bũmb fãa gill wẽnga».

«Ned ning sẽn yeela "bismillaahɩ allazɩɩ lɑɑ yɑḍʋrrʋ, mɑ'ʿɑ ɩsmihii, šay'ʋn fɩll'arḍi, wɑ lɑɑ fɩs-sɑmɑɑɩ, wɑ huwɑ As-sɑmii'ʿu Al-ʿAlɩɩm.= Ne Wẽnd yʋʋrã, Naab ninga tɩ b sã n tẽeg A yʋʋrã, bũmb ka namsd-f ye, pɑ Tẽngã pʋga, pa saagã zugu, la Yẽnda yaa Wʋmda n yaa Mita" noor a tãabo, baolleg lindg ka paamd yẽnda halɩ t'a wa tʋg n vẽeg beoogo. La ned ning sẽn yeel-a noor a tãabo a sẽn wat n vẽeg beoogo, masɩɩb lingdg ka paamd-a halɩ t'a wa tʋg n ta zaabre». A yeelame: Tɩ yĩn-bogr kũum paam a Abbaan ɭbn ʿƲsmaan, tɩ raoa ning sẽn rag n wʋm hadiisã a Abbaan nengẽ wã tar a gesgo, t'a Abbaan yeel-a: yaa bõe tɩ fo get maam, m wẽen ne Wẽnd, mam ka yag zĩri n rogl a ʿƲsmaane, la a ʿƲsmaan me ka yag zĩri n roglg Nabiyaamã ye, la ad raar ning bũmbã sẽn paam maamã, mam rag n gẽeme n yĩme n ka yeel-a ye.

«Yaafã wã kosg zu-soaba, yaa fo sẽn na n yeele: Allahumma anta Rabbɩɩ, laa ɩlaaha ɩllaa anta, ẖalaƙtanɩɩ wa anaa `Abduka, wa anaa `alaa `ahdɩka wa wa`dɩka mastaṭa`tu, A`uuḏu bɩka mɩn Šarrɩ ma ṣana`tʋ, abuu’u Laka bɩnɩ`matɩka `alaɩya, wa abuu’u laka bɩḏanbɩɩ, faǧfɩr lɩɩ, fa ɩnnahuu laa yaǧfɩru aḏḏunuba ɩllaa anta.= M Soab A Wẽnde, Foom la mam Soaba, soab sẽn na n tũ n tɩlg ka be ye, tɩ sã n ka Foom, Foom n naan maam tɩ mam yaa Fo yamba, m bee Fo alkaoolã zugu la F pʋlengã, m pãng tõog tεkẽ, m kot-F la gũudum n yi mam sẽn maanã fãa wẽnga, m reega m zugẽ ne Fo neema sẽn be mam nengẽ wã, la m reeg m zug ne m zũnuubã, sã n yaa woto bɩ F yaaf-ma, tɩ ad ka yaafd zũnuub-rãmba, rẽnda Foom bala». A yeelame: «ned sã n yeel-a wĩndga, n tar bãng-n-waak ne-a, n maan kaalem raarã pʋgẽ, taoor tɩ zaabr ka ta, ad a yaa arzãn biiga, la ned sã n yeel-a yʋngo, n tar bãng-n-wãak ne-a, n maan kaalem taoor tɩ beoogã na n ka vẽege, ad a yaa arzãn neda».

Tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) a yii yẽ nengẽ, yibeoogo, a sẽn wa n pʋʋs Fagirã, tɩ yẽ be a miisrẽ wã, rẽ poorẽ t'a lebg n wa sõorã sẽn zẽk poorẽ, tɩ yẽ zĩẽ, t'a yeele: «Fo ka bak n be halhaal ning mam sẽn bas foom a zugã ye?» T'a yeele: n-yee, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «Ad mam yeela mam sẽn bas foomã poorẽ, gom-biis a naase, noor a tãabo, b sã n rɩk-b n na n mak ne fo sẽn yeel raarã, a na zɩsg n yɩɩd-ba: Sʋbhɑɑnɑ Allɑɑh wɑ bi hɑmdihii, ʿadada halƙɩhii, wa ridaa nafsihii, wa zinata arši hii, wa midaada kalimaatihii (M yɩlgdɑ Wẽnde lɑ m pẽgd-A, A bõn-naandsã sõore, la A Mengã yardo, la A Al-ʿaršã zɩslem tεka, la A gom-biisã rʋb tεka)»

«Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa».