Encyclopedia of Prophetic Hadiths

Raoa n wa Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga) n yaa Nagid neda, t'a zugã yaa sẽn zũndgi, tõnd wʋmda a koεεgã rãamde, la d ka wʋmda a sẽn yetã ye, halɩ t'a wa tʋg n pẽneg Wẽnd Tẽn-tʋʋma (Wẽnd pʋʋsg la A tɩlgr be a yĩnga), n mik tɩ yaa lɩslaangã sẽn yaa a soab la a soakda, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «yaa wakat a nu wĩndg la yʋngo». T'a yeele: zẽng sẽn ka bãmbã n zao mam zug bɩɩ? T'a yeele: «ayo, sã n ka fo na n pʋʋsa ne f yam raabo, la Ramadaan kiuug no-loeere» T'a yeele: rẽ yĩnga zaoo mam zug zẽng sẽn ka rẽ bɩɩ? T'a yeele: «ayoo, sã n ka f na n loee ne f yamleoogo», tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) togs-a Zaka, t'a yeele: la zẽng sẽn ka Zakã n zao mam zug bɩɩ? T'a yeele: «ayoo, sã n ka f na n kõo ne f yamleoogo». A yeelame: tɩ raoa gũd kuidg n teesdẽ la a yetẽ: m wẽend ne Wẽnde, m kõn n paas bũmb woto zugu, m kõn n boog me. Tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeele: «A põsame t'a sã n sɩdge».

«Maam la nebã zu-soaba dũni yikr raare, la rẽ yĩngã yãmb mi yẽ sẽn yaa a soab bɩɩ?Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe, tɩ nebã yetẽ: yãmb ka ne y sẽn ta zĩig ningã, y ka na n bao ned sẽn na n yõk sẽega y Soabã nengẽ? Tɩ nebã sãnda yeel taaba: yõk-y-yã a Adam. Tɩ b wa a Adam nengẽ, (tɩlgr be a yĩnga, n yeel-a: foom la ninsaalba saamba, Wẽnd naana foom ne A Nugu, la A fʋʋs A Vɩɩmã fo pʋgẽ la A sagl malεgsã tɩ b maan suguud fo yĩnga, kos f Soabã sugr tõnd yĩnga, fo ka ne tõnd sẽn ta bũmb ningã? T'a Adam yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n gɩdga maam tɩ m ra rɩ tɩɩgã tɩ mam kɩɩs-A, mam meng yell n pak maam, m kũmda m menga, m kũmda m menga. Kẽng-y zẽng sẽn ka maam nengẽ, kẽng-y a Nuuh nengẽ. Tɩ b wa a Nuuh nengẽ, n wa yeele: Huuhu, foom la Tẽn-tʋʋmbã rẽenem n tʋg Tẽngẽ wã, la Wẽnd pʋda foom tɩ yamb sẽn yaa bark pʋʋsda, kos sugr f Soabã tõnd yĩnga, fo ka ne tõnd sẽn be bũmb ning pʋga? T'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n tara doaag msẽn sõmb n kos, la mam rɩk-a lame n kõs tɩ Wẽnd halk m nebã, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a ɭbraahɩɩm nengẽ, tɩ wa a ɭbraahɩɩm nengẽ n yeele: ɭbraahɩɩma, foom la Wẽnd Nabiyaam la a nonga Tẽngã rãmb nengẽ, kos sugr f Soabã d yĩnga, fo ka ne tõnd sẽn be bũmb ning pʋgã? T'a yeel-ba: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n yaga yagb a tãabo, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a Muusa nengẽ. Tɩ b wa a Muusa nengẽ n yeele: Muusa, foom la Wẽnd Tẽn-tʋʋma, Wẽnd yɩɩsa foom nebã zugu ne A tẽn-tʋʋmbdã la A goamã, kos f Soabã sugr tõnd yĩnga, t'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la mam rag n kʋʋ yõore, b sẽn ka sagl maam tɩ m kʋ-a, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a ɭɩsa a Maryam biigã nengẽ. Tɩ b wa a ɭɩsa nengẽ n yeele: ɭɩsa, fo yaa Wẽnd Tẽn-tʋʋma, n leb n yaa A gomde A sẽn lob-a a Maryam nengẽ, n leb n yaa Vɩɩm sẽn yi A nengẽ, fo goma ne nebã fo sẽn wa n be futẽ n yaa bi-bilfu, kos f Soabã sugr tõnd yĩnga, fo ka ne tõnd sẽn be yell ning pʋgã, t'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la a ka togs zũnuub ye, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a Mʋhammad nengẽ. Tɩ b wa a Mʋhammad nengẽ n yeele: Mʋhaamad, fo yaa Wẽnd Tẽn-tʋʋma, la nabiyaam-rãmbã Pidsda la Wẽnd yaafa foom f zũnuub-rãmb sẽn reng taoore la sẽn yaoolge, kos f Soabã sugr tõnd yĩnga, fo ka ne tõnd sẽn be bũmb ning pʋgẽ wã? Tɩ mam loog n kẽng Al-arsã tẽngre, n lʋɩ n maan m Soabã suguudu, (A Naam yɩ wagell n zẽke, rẽ poorẽ tɩ Wẽnd pak n wilg maam sẽn yaa A pẽgb la A soeesg yεla, A sẽn rag n ka pak n wilg maam sẽn reng taoor ye. Rẽ poorẽ tɩ b yeele: Mʋhammad zẽk f zugã n kos tɩ b na n kõ-f lame, la f kos sugr tɩ b na reega f sugrã. Tɩ mam zẽk m zugã n yeele, m poorẽ rãmbã, m Soab A Wẽnde, m poorẽ rãmbã yelle, m Soab A Wẽnde! Tɩ b yeele: Mʋhammad kẽes fo poorẽ rãmbã neb nins geelg sẽn ka be b rãmb zugã arzãnã rɩtg ragnoorã. La b na n leb n lagema nebã n kẽ ragnoy nins sẽn ketã. Rẽ poorẽ tɩ Nabiyaamã yeele: m wẽen ne Naab ning mam yõorã sẽn be A Nugẽ wã, sẽn be arzãnã regnoorã kɩrems a yiibã sʋka yaa wala Mak la himyar sʋka, -maa Mak la Busraa sʋka-»

"ned ning sẽn wẽena, tɩ pa yɩ ne Wẽnde, a soab kɩflame maa a maana lagm-n-taare"

«Mam poorẽ rãmbã fãa kẽeda arzãna, sã n pa sẽn tõdga», tɩ b yeele: yaa foom Wẽnd Tẽn-tʋʋmã! La ãnd n na n tõdge? T'a yeele: «sẽn tũ a maam kẽeda arzãna, la sẽn kɩɩsa maam, a soab tõdgame».

«Ad Wẽnd yarda yãmb ne yεl a tãabo, la A kis yεl a tãabo, A yarda yãmba: tɩ y tũ-A A Yembre, la y ra maan lagem-n-taar ne-A baa fʋɩ, lɑ y gãd Wẽnd Wĩirã y gilli lɑ y rɑ weel tɑɑb ye, la ad Wẽnd kisga yãmb ne: b yeelame la a yeelame (zĩri-beedo), la kos-toogo, la arzεk yeebgo».

«Ra zĩnd-y yaadã zut ye, la y ra pʋʋs n togl-b ye».

«Mam na n kõo tap-kao-kãngã raoa, sẽn nong Wẽend la A Tẽn-tʋʋmã, Wẽnd na n paka sẽn tũ ne a nugu». A ʿƲmar ɭbn Al-ẖaṭṭaab yeelame: mam ka yɩ n nong naam sã n ka ra-kãngã, a yeelame: tɩ mam yals m na-biisã zutu, n tẽed tɩ b na bool maam n kõ-a. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) bool a ʿAli ɭbn Abɩɩ Taalib, n kõ-a la a yeele: «Kẽng la f ra wẽnems ye, halɩ tɩ Wẽnd wa pak n kõ-fo». A yeelame: t'a ʿAli kẽng bilfu, rẽ poorẽ t'a yals la a ka wẽnem ye, n yeele: Wẽnd Tẽn-tʋʋmã, m zab ne nebã bõe poorẽ? T'a yeele: «Zab ne-ba halɩ tɩ b maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la b sã n maan woto, sɩd la hakɩɩka b gɩdga foom b zɩɩmã la b arzεgsã, rẽnda hakε-rãmb sẽn nɑ n zomb-ba, la b geelgã bee ne Wẽnde».

«Wẽnd yeelame: Ned ning sẽn wa n maana Mam noang beem, ad M vẽnega a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye, lɑ Mam yambã ka bake n pẽnegd Maam ne naafil-rãmba, halɩ tɩ M bʋ a nonglem, M sã n bʋ a nonglem, M lebgda a wʋmb ningã a sẽn wʋmdã, la a nifr ning a sẽn getã, la a nug ning a sẽn yõkdã, la a naoor ning a sẽn kẽnd ne wã. A sã n kos Maam, M na kõ-a, la a sã n kos Maam gũudum, M na maan-a gũudum».