Encyclopedia of Prophetic Hadiths

«Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo, la yãmb yembr fãa sã n nek a gõeemẽ, bɩ a reng n pek a nugã taoor t'a na n ka ning-a koomã laok pʋgẽ ye, ad yãmb yembr fãa ka mi a nugã sẽn gãandẽ ye». La a Muslim gom-bilã: «Yãmb yembr fãa sã n wa yik a gõoemẽ bɩ a ra bõr a nugã koomã pʋgẽ ye, halɩ t'a pek-a noor a tãabo, bala yẽ ka mi a nugã sẽn gãandẽ ye».

Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}, rẽ poorẽ t’a saag ne b yiibã, a yĩngã, a sẽn tõe tεka, a sɩngda saagrã a zugẽ wã la a nengã la yĩngã sẽn kellã, a maanda rẽnda noor a tãabo.