Encyclopedia of Prophetic Hadiths

«Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».

«Tabl-y sɩda, tɩ ad sɩd peegdame n tʋgd manegre, la manegr peegdame n tʋgd arzãna, la ned ka bakd n togsd sɩda la a gũusd sɩd togsgo, halɩ tɩ b wa tʋg n gʋls-a Wẽnd nengẽ t'a yaa sɩd soaba. La y gũus ne zĩri-beedo, tɩ ad zĩri-beed peegdame n tʋgd wẽngẽ, wẽng me peegdame n tʋgd Bugmẽ, la ned ka bakd n yagda la a tũusd yagbo, hal tɩ b wa tʋg n gʋls-a Wẽnd nengẽ t'a yaa pʋ-yagda».

"Ad raood ka yõk-n-lub ye, la ad pãng soaba yaa ned ning sẽn tõe n yõk a menga a gẽeg sasa".

«Ned ning b sẽn mong yol-yole, b mong-a-la yel-sõmde».

«Ad bʋg-bʋg ka zĩndid bũmb pʋgẽ rẽndame t'a nags-a, b ka kongd-a bũmb pʋgẽ me rẽndame t'a zang-a».

«Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».

«Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».

Raoa n wa Nabiyaamã nengẽ (Wẽnd pʋʋsg la A tɩlgr be a yĩnga) n yeele: ad mam rũngã halkame, bɩ f bao rũng tɩ m zombe, tɩ Nabiyaamã yeele: " m ka tar ye" la rao yeele: Wẽnd Tẽn-tʋʋma, m na n wilg-a-la ned ning sẽn na n kõ-a rũng t'a zombe, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "Ned ning sẽn wa n wilg sõma zĩigã, a tara yel-sõmb wala sõmã wã maand bilgri".