Encyclopedia of Prophetic Hadiths

"Goamã sẽn tʋg n noom Wẽnd n yɩɩd yaa naase: Sʋbhaanallaah, wa Alhamdu lillaah, wa laa'ɩlaaha ɩllallaah, la Allaahʋ Akbarʋ, fo sẽn reng a soab n sɩng fãa, a ka sãam ye.

«Yãmb a neba! Tuub-y n tʋg Wẽnd nengẽ, tɩ ad mam lebgdame n tʋgd Wẽnd nengẽ raar pʋgẽ noor koabga».

«Wʋsg-y wʋm-noodã wurdã yell tẽegre» Rat n yeel tɩ yaa kũumã.

«Allaahumma laka aslamtu, wabika aamantu, wa ʿalayka tawakkaltu, wa ilayka anabtu, wabika ẖaasamtu, Allaahumma innii aʿʋʋzu bi ʿizzatika; laa ilaaha illaa anta an tuḍillanii, anta al-hayyʋ allazɩɩ laa yamuutu, wal-ǧinnu wal insu yamuutuuna =M soab a Wẽnde! M lebsa m meng Fo nengẽ, m zaba Fo yĩnga. M Soab A Wẽnd! M kot-F-la gũudum ne F zɩslemã, soab sẽn na n tũ n tɩlg ka be rẽnda Foom, tɩ F ra menes-m ye, Foom la Vɩt ning sẽn ka kiidã, la zĩn-rãmb la ninsaalbã kiidame».

«A rag n yɩɩme t'a sã n vẽeg beoogo a yeteme: M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ» la a sã n ta zaabre, a yetame: «D taa zaabr ne Fo yʋʋrã la d vẽega beoog ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebeng zĩig yaa Fo nengẽ». La vugri a yeelame: «Lebgr zĩig yaa Fo nengẽ».

«Ad yãmb yembr fãa zĩig arzãnã sẽn tʋg n yaa kɩdg n yɩɩda, yaa b sẽn na n yεεl-a: T'a tags yẽ sẽn rat bũmb ningã, tɩ b yεεl-a, fo saaga fo sẽn ratã fãa? T'a yeele: n-yee, T'a yεεl-a:Ad fo sẽn saag bũmb ningã fãa f paamame, la a bilg-n-taare n paase».

M soka Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) manegr la zũnuub tʋʋm sẽn yaa bũmb ninga, t'a yeele: «Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».

« Ra karem-y bãngrã n rat n na n pug ne-a bãngdb ye, maa y wẽ no-koeemd ne yalms ye, la y ra tũus zĩndg zĩisɩ bãngrã yĩng ye, la ad ned ning sẽn maana woto, Bugmã n sõmb ne-a »