Encyclopedia of Prophetic Hadiths

«Soabã sẽn wat n yɩɩd pẽnegr ne Yambã yaa yʋn-sʋka, rẽnd ned ning sẽn tõoga n na n yɩ neb nins sẽn tẽegd Wẽnd yʋʋrã wakat-kãngã, bɩ a yɩ».

«Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye», la pagbã yeel yã: la tõnd dĩinã la d yamã boogrã yaa bõe, Wẽnd Tẽn-tʋʋmã? La a yeele: «Rẽ yĩnga pag kaseto a ka wala rao kaset pʋsʋk laa?» La b yeele: yaa sɩda, la a yeele: «Yaa rẽnda la yamã boogrã, la rẽ yĩnga yãmb ned fãa sã n yã Pekre, a ka basd Pʋʋsg la no-loeere?» La b yeel tɩ yaa sɩda, la a yeel yã:«Yaa rẽnda la dĩinã boogrã».

Tõnd yii yʋngo, saag sẽn ni la lik sẽn yaa kεgenga, n baood Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a wa pʋʋs nebã, a yeelame: tɩ mam tɩ paam-a, t'a yeele: «yeele» tɩ mam ka yeel baa fʋɩ ye, rẽ poorẽ t'a yeele: «yeele» , tɩ mam ka yeel baa fʋɩ ye, t'a yeele: «yeele», tɩ maam yeele: bõe la mam yeta? T'a yeele: «{Yeele: "Yẽnda lc",è:a Wẽnde, A yaa A Yembre} (kʋlhuwa Allah) la Ma'ʋʋzatayne (kʋl aʋʋz-rãmb a yiibã): fo sẽn wat n ta zaabr la fo sẽn wat n vẽeg beoogo, noor a tãabo, tɩ b sekda foom n yi bũmb fãa gill wẽnga».

«Neema a yiib n be, tɩ nebã wʋsg bõnd b pʋgẽ: yaa laafɩ la sẽka».

Wẽnd Tẽn-tʋʋma, (Wẽnd pʋʋsg la A tɩlgr be a yĩnga), a karema Aayae-kãngã {Yẽndɑ n sik Gɑfã fo zugu tɩ Aayɑy-rãmb mɑɑnɑ sẽn yɑɑ vẽenegɑ be ɑ pʋgẽ, lɑ yɑɑ rẽ lɑ gɑfã yẽgrã, lɑ ɑ sãndɑ mɑɑnɑ pɑ vẽeneg ye, lɑ kedgrã sẽn be b rãmb sũyẽ wã, bãmb pʋgdɑ gẽdem-gẽdmã, tɩ yɑɑ yεl bɑoobo lɑ ɑ welsgo ne bãmb yõe yɑm-leoogo, lɑ yɑool n pɑ mi ɑ võorã rẽndɑ Wẽnde, lɑ sẽn tɑɑb tẽkɑ bãngr pʋgẽ wã yetɑme: " tõnd kõo sɩd ne-ɑ, fãɑ yii tõnd Soɑbã nengẽ". Lɑ pɑ tɑgsd n getẽ rẽndɑ yɑm-bεεl rãmbɑ.} [Aalʋ ɭmraan: 7], d ma a Aɑɩsa yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: “rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba».

«Rẽ yẽnga yãmb paamda sõngr la rɩlgre, tɩ sã n ka y nin-valemsã sabab la».

«Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole».

«Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome».