Encyclopedia of Prophetic Hadiths

"Yamb sẽn tʋg n yɩɩd pẽnem ne a Soabã, yaa a sẽn wat n be suguudẽ wã, sã n yaa woto bɩ y wʋsg kosgã".

«Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ, lɑ b yiibã sʋkɑ yel-gẽts n be beenẽ, tɩ nebɑ wʋsg kɑ mi-b ye, lɑ ned ning sẽn gũusɑ yel-gẽtɩ wã ɑ yɩlg ɑ dĩinã lɑ a burkĩndã, lɑ sẽn lʋɩ ɑ yel-gẽtɩ wã pʋgẽ ɑd ɑ lʋɩɩ hɑrɑɑmẽ, ɑ bilgr yɑɑ wɑlɑ rũm-kɩɩmã sẽn wãmbd yɑmd-zɑbdg kɩrengɑ ɑ sã n kɑ gũusi ɑ nɑ n wãb-ɑ lɑme, lɑ ɑd nɑɑb fãɑ tɑrɑ ɑ yɑmd-zɑbdgɑ, lɑ ɑd Wẽnd wãmneg zĩig ning sẽn zɑbdã, yɑɑ A sẽn gɩdg yεl ninsã, lɑ ɑd yĩngɑ pʋgẽ nem-võre n be beenẽ, ɑ sã n mɑnege, yĩngã fãɑ mɑnegdɑme, lɑ ɑ sã n sãɑme, yĩngã fãɑ sãɑmɑme, ɑd yẽ yɑɑ sũurã».

«Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a», T'a Abuu Saʿɩɩd maan yel-solemd ne gomdã, n yeele: yɩlm n togs-ma Wẽnd Tẽn-tʋʋmã, tɩ Nabiyaamã yɩlme, rẽ poorẽ tɩ Nabiyaamã yeele: «La bũmb a to n be tɩ Wẽnd zẽkd yambã dargε ne-a, arzãnã pʋg dargε koabga, dargε fãa ne a taab sʋka, yaa wala saaga la Tẽngã sʋka». La a Abuu Saʿɩɩd yeele, yaa bõe la rẽ, Wẽnd Tẽn-tʋʋma? La a yeel yã:«Yaa gɩhaadɩ zabr Wẽnd sorã pʋgẽ, yaa gɩhaadɩ zabr Wẽnd sorã pʋgẽ».

«Balm-y maam tɩ y kõn n lagem Wẽnd ne Bũmb ye, la y kõn n zu, y kõn n yo, y kõn n kʋ y koambã, y kõn n wa ne zĩri-beed koɑmbɑ n yet tɩ yɑɑ y sɩdbã koɑmbɑ, y kõn n kɩɩs manegr pʋgẽ ye, ned ning sẽn wa n pidsa alkaool-kãngã, a keoor bee ne Wẽnde, la ned ning sẽn wa n tʋg n maan bũmbu, tɩ b nams-a dũni wã pʋgẽ, rẽnda yaa kaffaara ne-a, la ned ning sẽn wa n tʋg n tʋm wẽng tɩ Wẽnd maan-a sʋtra, a yellã bee ne Wẽnde, A sã n tʋlla, t'A yaaf n bas-a, la A sã n tʋlla t'A sɩbg-a» Tɩ tõnd balm-a rẽnda zugu.

«Arzãn koambã sã n kẽ arzãna, Wẽnd yetame (A Naam zẽk yã): yãmb rata bũmb tɩ M paas-y bɩɩ? Tɩ b yeele: Fo ka pelg tõnd nemsã la? Fo ka kẽes tõnd arzãnã la? T'a yeele: tɩ Wẽnd na n pãrg lillã, rẽnd b ka kõ arzãn koamb bũmb sẽn noom n yɩɩd b sẽn get b Soabã A Wẽndã, (A Naam yɩ wagelle n zẽke)».

«B na n wa balla fɩtnã-rãmbã nebã sũy, wala b sẽn balled pĩir n foogd-a moog-moogã, rẽnd sũur ning sẽn yũ b na n tẽka a pʋgẽ sabelle, la sũur ning sẽn kɩɩsa b na n tẽka a pʋgẽ peelle, halɩ tɩ sũyã wa lebg sũy a yiibu, sũur sẽn yaa peelle wala kug-peelle, zarb-n-gesg la fɩtnã buud ka tõe n nams-a ye, tɩ saasã la Tẽngã sã n ket n beẽ, la sũur a to wã yaa sabelle, n yaa wala koor sẽn fũgi n pĩ, a ka leb n mi sõma, a ka mi wẽnga n na n kɩɩs ye, sã n ka bũmb ning sẽn ta yẽ yam bala». A Hʋzayfa yeelame: la mam togs-a lame tɩ ad foom a ʿƲmar la fɩtnã-kãngã kʋɩleng n page, la ket bilfu kʋɩlengã na n pakame. La d zu-soab a ʿƲmar yeel yã: Kʋɩlengã yaa sẽn na n kaooge? Ad sã n dag yaa sẽn pakẽ, tõe tɩ lebg n page. Tɩ mam yeele: Ayoo, ad yaa sẽn na n kao. La mam togs-a lame tɩ kʋɩleng-kãngã, yaa ned la b na n kʋ, maa a ki, yaa hadiis tudgr sẽn ka be a pʋgẽ. A Abʋʋ Haalid yeelame: Mam yeela a Saʿade: Malik baaba: sabell lim-limã yaa bõe? La a yeel yã: yaa peelmã keelem sẽn be sablem pʋgẽ. Tɩ mam yeel-a: la koorã sẽn fũgã yaa bõe? La a yeel tɩ yaa sẽn lebg n pĩ.

«Ad bee arzãnã pʋgẽ, raaga, tɩ b wat raagã arzũm fãa, tɩ segb fugd goagb wεεngẽ, n fugd b nemsã la b futã, tɩ b rasãndlemã la b neeremã paasdẽ, tɩ b lebgd n kẽngd b zagsã rãmb nengẽ, tɩ b rasãndlemã la b neeremã yaa sẽn paase, tɩ zagsã rãmb yet-ba: d wẽen ne Wẽnd tɩ yãmb yɩɩda tõnd rasãndlem la neerem. Tɩ b yeele: d wẽend ne Wẽnd tɩ ad yãmb neerem la y rasãndlem n paas n yɩɩde, d sẽn loogã poorẽ».

M yeelame: yaa Wẽnd Tẽn-tʋʋmã, wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga».