Encyclopedia of Prophetic Hadiths

«Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe».

«Ad fo loeta noor raar fãa la f yas yʋngã gilli?» tɩ mam yet tɩ n-yee, t'a yeele: «Ad fo sã n maan woto, f valemda f nifrã la f yaamse f yõorẽ ne yel-kãngãNed ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere». Tɩ mam yeel tɩ m tõeeme sẽn yɩɩd rasem a tãabã, t'a yeele: «bɩ f loe a Daawʋʋd (tɩlgr be a yĩnga) no-loeerã, a ra loeta raare la a kaood raare, la a ka zoete t'a sã n yek bεεb ye».

Nabiyaamã (Wẽnd pʋʋsg la A tɩlgr be a yĩngɑ) rag n yɩɩme n nidgd pãnga, rasem-pi-yaoogã pʋgẽ n yɩɩd zẽng sẽn ka bãmb pʋgẽ.

«Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a».

«Ramadaanã sã n wa, b pakda arzãnã ragnoyã, la b pag Bugmã ragnoyã, la b sẽb sʋɩɩtãambã».

«Nebã ka bakd n be sõma pʋgẽ, tɩ b sã n yãg ne no-kaoorã».

«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».

Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), ra yɩɩme n yɩɩd nebã ne kũuni, la a kũunã sẽn tʋg n yɩɩda, yaa Ramadaan pʋgẽ, a sẽn wat n yeka a Gibriila, a rag n yɩɩme n yekd-a Ramadaanã yʋng fãa n karemd-a Alkʋrãanã, rẽnd Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a rag n kõtame n yɩɩd seb fugdga.