Encyclopedia of Prophetic Hadiths

«Ned ning sẽn loe Ramadaanã, ne liimaoongo (sɩd kũuni) la yel-sõmd tẽebo, b yaafd-a lame, a zunuubã sẽn reng taoorã».

Tɩ rap sẽn yi Nabiyaamã (Wẽnd pʋʋsg la A tɩlgr be a yĩnga) Ṣahaabsẽ wã n yã kordgã yʋng b gõeemẽ wã, rasem a yopoe yaoogã pʋgẽ, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele:«M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã».

«Ad arzãnã pʋgẽ, ragnoor n be tɩ b boond tɩ Ar-Rayyaan (yũ-n-tɩge), tɩ no-loεtbã tũud beenẽ n kẽed dũni yikr raarã, ning-zẽng ka kẽed beenẽ, rẽnda bãmbã, b yetame: no-loεtbã bεε? Tɩ b yik n yals, ned ka kẽed ragno-kãngã zẽng sẽn ka bãmb ye, b sã n wa kẽ n sε, p pagda ragnoorã, tɩ ned baa a yembr ka kẽed-a ye».

«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».

«Ned ning sẽn yĩma n rɩ, maa a yũ, tɩ yẽ yaa sẽn loe noore, bɩ a pids a no-loeerã, tɩ ad yaa Wẽnd n rɩlg-a la a yũnug-a».

«Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ, la no-loeerã yaa gãongo, la yãmb kɑm fãɑ no-loeer raare, bɩ ɑ ra maan kẽed-n-taar ye la a rɑ pãb no-pend ye, la ned sã n tʋ-a maa zab ne-a, bɩ a yeele: ad mam yaa ned sẽn loe noore. Lɑ mɑm wẽenda ne a Mʋhammad yõorã sẽn be Naab ningã nugẽ wã, no-loεt noorã yũug Wẽnd nengẽ ɑ noomame yɩɩd misk yũugu, no-loεt tara sũ-nood a yiibu, n kɩdemd ne-ba: a sã n wa kao noorã a kɩdemdame, la a sã n seg a Soabã, a kɩdemda ne a no-loeerã».

«Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ».

«Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe».