Encyclopedia of Prophetic Hadiths

«Yãg-y ne kũum, sã n mikame t'a yaa sõma rẽnd yaa sõma zĩigẽ la yãmb rabd ne-a, la a sã n pa rẽ, rẽnd yaa wẽng la yãmb sẽn basd y yubliẽ wã».

«Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa». A yeelame: sã n ka rẽ yĩnga, b rag n na vẽneg Nabiyaamã yaoogã, la a d b yεεsame tɩ b ra wa rɩk-a n maan tɩ yaa misr ye.

A Abuu muusa bẽe bãag sẽn yaa kεgenga, t'a sobge, la mikame t'a zugã rag n bee a pagbã a yembr naoẽ, la a ka tõe n leok baa fʋɩ ye, la a sẽn wa n vʋʋgã a yeelame: m zãagame n yi ned ning Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn zãag a soabã, Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a zãaga a meng n yi kaas poaka la põnd poaka la pãrs poaka.

«Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a»

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sagla tõnd ne yεl a yopoe, la a gɩdg tõnd tɩ d bas yεl a yopoe: a sagla tõnd tɩ d kaag bãadã, la d tũ kũ-rãmba, la d loek tĩsda, la d maneg wẽenego, maa sẽn na n wẽen ne bũmb ningã, la d sõng b sẽn wẽg a soaba, la d sak boaanda, la d sẽeg sallem pʋʋsgo, la a gɩdg tõnd tɩ d ra wa ning sãnem nug-biis ye, la d ra yũ wanzur ko-tεεg pʋgẽ ye, la d ra zomb harɩɩr gãdg zug ye, la harɩɩr fu-gẽtse, la ɭstabraƙ (harɩɩr fu-tagdo), la dɩɩbaag (harɩɩr fu-neeba).