Encyclopedia of Prophetic Hadiths

T'a ʿƲsmaan ɭbn ʿAffaan rag n rat n mee miisrã, tɩ nebã kisg rẽnda, la b nongame t'a kell n bas-a a sẽn yaa a soabã, t'a ʿƲsmaan yeele, m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: « Ned ning sẽn me miisr Wẽnd yĩnga, Wẽnd meta a buudu arzãnã pʋga n kõ-a».

«Neb na yals b sẽn bas arzũm-rãmbã Pʋʋsgã, maa Wẽnd na pag b sũyã, rẽ poorẽ b na yɩ yam yaal-yaal rãmb ne Wẽnd yʋʋrã tẽegre».

«B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam»

«La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke, la b sã n rag n mi bũmb ning sẽn be sãd n kẽng miisrẽ wã, b rag na rengẽ taab beenẽ, la b sã n rag n mi bũmb ning sẽn be likã la yibeoogã Pʋʋsg pʋgẽ, b rag n na seed b yiibã, baa tɩ b na n vũnemame».

«B sagla maam tɩ m maan suguud kõb a yopoe zugu: rĩirẽ wã, la a rɩk a nugã n tees a yõorẽ, la nus a yiibã, la rũm a yiibã, la na-kugã kɩremse, la d ra kool d futã la d zoobdã ye».

Tɩ roap n wa a Sahl ɭbn Sa'ad Assaa'ɩdy nengẽ, n maand sik ne mimbarã (zao rʋʋdga), yaa ne bõe tɩɩg la b maan-a, tɩ b sok-a rẽnda, t'a yeele: m wẽen ne Wẽnd tɩ mam mii bũmb ninga b sẽn naan ne-a wã, mam yẽnda rẽenem raarã, Wẽnd Tẽn-ntʋʋma, (Wẽnd pʋʋsg la A tɩlgr be a yĩnga) sẽn zĩnd a zugu. Wẽnd Tẽn-tʋʋma, (Wẽnd pʋʋsg la A tɩlgr be a yĩnga) tʋmame tɩ kẽng paga zagl nengẽ -yɑɑ Mɑdĩin rãmbã pɑgɑ, a Sahl pʋdɑ ɑ yʋʋrã- tɩ b yeel-ɑ: «Sagl f tʋʋm biigã sẽn yaa ra-kaadã (mininze) t'a maan raad n kõ- ma, tɩ m zĩndid a zugu, tɩ m sã n nɑ n gom ne nebã, tɩ paga kɩt t'ɑ mɑɑn-ɑ, t'a sɩd nɑ n maan-a ne ɑ Gɑɑbɑ ( Weoogẽ) tɩɩsã, n tall-a n wa, tɩ pɑgã tʋm tɩ b kẽng ne-a Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga), tɩ Nabiyaam yeel tɩ b ning-a zĩ-kãngã. Rẽ loogr poorẽ, mɑm yãnda Wẽnd Tẽn-ntʋʋma, (Wẽnd pʋʋsg la A tɩlgr be a yĩnga) t'a pʋʋs ɑ zugu n yet tɩ Allaahʋ Akbarʋ t'ɑ be ɑ zugu, la a maan rukuu t'a be ɑ zugu, rẽ poorẽ t'a sig n tar n leb poorẽ, n maan suguudã mimbara tẽgrẽ, rẽ poorẽ n le leb be, lɑ a sẽn wa n sε wãn a teesa nebã n yeele: «yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã».

«Laandãan-rãmb a yiib sʋk fãa Pʋʋsg n be , laandãan-rãmb a yiib sʋk fãa Pʋʋsg n be». Rẽ poorẽ t'a yeele: «Ne ned ning sẽn tʋlla».

«Zãma Pʋʋsg yɩɩda yãmb yembr fãa sẽn na n pʋʋs a yembre, ne yel-sõm pisi la a nu, la yʋng malεgsã la wĩndg malεgsã lagemda taaba Fagir Pʋʋsgẽ», rẽ poorẽ t'a Abuu Hʋrayrat yeele: karem-y tɩ yãmb sã n tʋlla: {ad Fɑgir Pʋʋsgã Mɑlεgsã yɩɩme n zĩndid beenẽ}. [17 Al-ɭsraa'ʋ (Yʋn-kẽndã sʋʋra: 78]