Encyclopedia of Prophetic Hadiths

«Pʋʋsgo mam miis-kãngã pʋgẽ, a yel-sõmdã yɩɩda Pʋʋs-rãmb tusri zẽng sẽn ka miis-kãngã pʋgẽ, sã n ka Lohorem miisrã bala».

«Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare»

«Fo sã n maan suguudu, bɩ f rɩgl f tal a yiibã la f zẽk f kãntɩɩs a yiibã».

Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ? T'a yeele: «yeel-y yã: Allaahumma Salli ʿAlaa Mʋhammadɩn wa ʿAlaa aalɩ Mʋhammadɩn, kamaa ṣallayta ʿAlaa Aali ɭbraahɩɩma ɩnnaka hamiidʋn maǧiidʋn, Allaahumma baarɩk Alaa Mʋhammadɩn wa ʿAlaa Aalɩ Mʋhammadɩn kamaa baarakta ʿalaa aalɩ ɭbraahɩɩma innaka hamiidʋn maǧiidʋn. = M Soab a Wẽnde! Pʋʋs a Mʋhammad la a Mʋhammad zakɑ rãmba, wala Fo sẽn pʋʋs a ɭbraahɩɩm zak rãmbã, ad Foom la Pẽgda, n yaa Zɩsgo. M Soab a Wẽnde! Bark a Mʋhammad la a Mʋhammad zakɑ-rãmba, wala Fo sẽn bark a ɭbraahɩɩm zak-rãmbã, ad Foom la Pẽgda, n yaa Zɩsgo».

«Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum».

«Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã: yaa taoor soab sẽn yaa tẽeg tɩrga, la rasãng sẽn yik Wẽnd tũudum pʋgẽ, la rao sũur sẽn yag ne miisa, la neb a yiib sẽn bʋ taab nonglem Wẽnd yĩnga, n tigim taab A nonglemã zugu n leb n welg taab A nonglemã zugu, la raoa pag sẽn tar ziir la neerem sẽn bool-a, t'a yeele: ad mam zoeta Wẽnde, la ned sẽn na n maan sãra n solge, halɩ tɩ yẽ goabga ka mi rɩtgã sẽn kõtã ye, la ned sẽn be a yembre, n tẽeg Wẽnd yelle, t'a nintãmã kiigi».

Raar a yembre tõnd sẽn wa n zĩ Nabiyaamã nengẽ, (Wẽnd pʋʋsg la A tɩlgr be a yĩnga), miisrã pʋgẽ, la ned sẽn kẽ ne a yʋgemde, n gãneg a yʋgemdã miisrã pʋga, rẽ poorẽr t’a loe-a, n yaool n yeel bãmbã: yaa ãna la a Mohammad yãmb sʋka, tɩ Nabiyaamã, (Wẽnd pʋʋsg la A tɩlgr be a yĩnga) yaa sẽn kɩll bãmb sʋka, tɩ tõnd yeele: “ Yaa rao-kãngã sẽn yaa pεεlgã, sẽn kɩllã” la raoa yeele: “ a Abdʋl Mutalib biigã?” Tɩ Nabiyaamã, (Wẽnd pʋʋsg la A tɩlgr be a yĩnga), yeele: “m sak-f lame” tɩ raoa yeel Nabiyaamã, (Wẽnd pʋʋsg la A tɩlgr be a yĩnga), : “m na n soka foom la m na n kenga m meng n sok-fo, bɩ f ra sãam f sũur ne maam ye, tɩ Nabiyaamã yeel-a: “sok bũmb ning f sẽn rate” la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” la a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” T’a yeele: “ m Soab a Wẽnde, n-yee” t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” T’a yeele: “ m Soab a Wẽnde, n-yee”, t’a yeele: “ m yõkd-f-la sεεg ne Wẽnd, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee” tɩ raoa yeele: “ m kõo sɩd ne bũmb ning fo sẽn wa ne wã, la ma me yaa tẽn-tʋmda, n na n taas neb nins sẽn be mam poorẽ sẽn yaa mam nebã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda.

Wẽnd Tẽn-tʋʋmã ra yɩɩme (Wẽnd pʋʋsg la A tɩlgr be a yĩngɑ) n kot n yetẽ: «Allahumma ɩnnɩɩ a’ʋʋzʋ bɩka min ʿazaabɩ l-ƙabrɩ, wa min ʿazaabɩ annaarɩ, wa min fɩtnatɩ l-mahyaa wa l-mamaatɩ, wa min fɩtnatɩ l-masɩɩh d-daggεεl».= (M Soab a Wẽnde, m kota Foom gũudum n yi yaoogã namsgã, la Bugmã mansgo, la vɩɩm la kũum zarb-n-gesgã (fɩtna), la ɑ-Masɩɩh ddaggεεl zarb-n-gesgã). La bee Muslim gom-biisã pʋgẽ: «yãmb yemb kɑm fãa sã n wa sε sahd baasdgã, bɩ a kos gũudum ne Wẽnde, n yi yεl a naase: n yi Gεhannem namsgã, la yi yaoogã namsgã, la vɩɩmã la kũumã namsgã, la ɑ Masɩɩhɩ addagεεlɩ wẽnga».