Encyclopedia of Prophetic Hadiths

M rɩgla Nabiyaamã ko-soodem (Wẽnd pʋʋsg lɑ A tɩlgr be ɑ yĩngɑ) n lud-a ne fuugu, t'a kiig koomã a nus a yiibã, n pek nus a yiibã, rẽ poorẽ a rɩk a rɩtg nugã n kiig koomã a goabgẽ wã n pek a taoorã, n rɩk a nugã n wẽ Tẽngã n saag a nugã ne Tẽngã, n pεk-a, rẽ poorẽ t'a wugs a noorã la a fẽes a yõorã, la a pek a nengã la a kãntɩɩs a yiibã, rẽ poorẽ t'a kiig a zugã koomã, n widem a yĩngã fãa ne koomã, rẽ poorẽ t'a lak bilfu n pek a na-tagdɩ wã, tɩ mam kõ-a fuugu, t'a ka reeg ye, n leege, tɩ yẽnda yaa sẽn yẽes koomã a yĩngẽ wã ne a nus a yiibã.

Tɩ ned n yõk koom n bas nu-yẽeg zĩiga a na-kãdmẽ wã, tɩ Nabiyaamã (Wẽnd pʋʋsg la A tɩlgr be a yĩnga) yeel-a: «lebg n tɩ maneg f koomã yõgbo» t'a lebg n tɩ manege, rẽ poorẽ t'a pʋʋse.

Tɩ Nabiyaamã (Wẽnd pʋʋsg la A tɩlgr be a yĩnga) yõka koom noor a yiib-yiibu.

«Yãmb ned fãa sã n yõg koom n ning a na-wʋʋdo bɩ a pʋʋs ne-ba la a saag b yiibã n pʋʋse, la rẽ poorẽ a rɑ yãk b yiibã t'a sã n tʋlla, sã n ka gεnaab sababo».

Nabiyaamã (Wẽnd pʋʋsg la A tɩlgr be a yĩnga) ra yɩɩme t'a sã n yik yʋngo, a sẽdgda a noorã ne sɩgdre.

«Wõrs-y no-kõbdo la y bas toeemse».

M yãa a ʿAmr ɭbn Abɩɩ Hasan t'a sokd a ʿAbdʋllaah ɭbn Zayd, Nabiyaamã (Wẽnd pʋʋsg la A tɩlgr be a yĩnga) koomã yõgb sẽn rag n yaa to-to, t'a kɩt b wa ne laok koom sẽn be a pʋgẽ, t'a maan Nabiyaamã (Wẽnd pʋʋsg la A tɩlgr be a yĩnga) koomã yõgb n wilg-ba, t'a kiig laokã koom a nugẽ n pek-ba, rẽ poorẽ t'a kẽes a nugã laokã pʋga, n toog noor a tãabo, n wugsi la a pursi, la a fõoge la a fẽege, noor a tãabo, rẽ poorẽ t'a kẽes a nugã, n pek-a noor a tãabo, rẽ poorẽ t'a le tʋm a nugã koomẽ wã n pek a nengã noor a tãabo, rẽ poorẽ t'a leb n tʋm n pek a nus a yiibã n tʋg n tãag kãntɩɩsã noor a yiib-yiibu, rẽ poorẽ t'a kẽes a nus a yiibã laokã pʋga n saag a zugã, rẽnd a sɩngame ne zugã sɩngr taoorã, halɩ n tʋg n tãag kãarẽ wã, rẽ poorẽ t'a pek a nao a yiibã, n tʋg n tãag na-kug a yiibã.

Wẽnd Tẽn-tʋʋmã tʋmsa maam (Wẽnd pʋʋsg lɑ A tɩlgr be ɑ yĩngɑ) tɩ m tʋg n maneg yelle, tɩ Gεnaab paam maam la m ka paam koom ye, tɩ mam gãand n bilm tomã pʋgẽ wala rũng sẽn bilm to-to ningã wã, rẽ poorẽ tɩ mam wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n togs-a mam sẽn maan rẽ wã, t'a yeele: «ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã.