Encyclopedia of Prophetic Hadiths

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) kãaba rao sẽn na n yeelg pag yerem, la pag sẽn na n yeelg rap yerem.

«Ad Wẽnd yarda yãmb ne yεl a tãabo, la A kis yεl a tãabo, A yarda yãmba: tɩ y tũ-A A Yembre, la y ra maan lagem-n-taar ne-A baa fʋɩ, lɑ y gãd Wẽnd Wĩirã y gilli lɑ y rɑ weel tɑɑb ye, la ad Wẽnd kisga yãmb ne: b yeelame la a yeelame (zĩri-beedo), la kos-toogo, la arzεk yeebgo».

«Yãmb yem kãm fãa gilli yaa gũuda, la yem kãm fãa gill me, b na n sok-a-la a rũmsã yelle, limaam yaa gũuda, b na n sok-a-la a bõn-gũudɩ wã yelle, rao me a yaa gũuda a zakã rãmbẽ, b na n sok-a lame a bõn-gũudɩ wã yelle. Pag me yaa gũuda a sɩdã zakẽ, b na n sok-a lame a bõn-gũudɩ wã yelle. Sõgnɑ yẽ me yaa gũuda a zu-soabã arzεkẽ, b na n sok-a lame a bõn-gũudɩ wã yelle. Yãmb yembr fãa yaa gũuda, b nɑ n sok-y lame y bõn-gũudɩ wã yelle» .

«Fur loees ka manegde, rẽndame tɩ tũ ne biig ba-rãmbã minim».

«Yẽseng maandame tɩ lebg haraam bũmb ning rogem sẽn maand tɩ lebg haraamã».

M yeelame: Wẽnd Tẽn-tʋʋma, tõnd yembr fãa pag hakε sẽn zao-a yaa bõe? T'a yeele: «Yaa f rɩlg-a tɩ f sã n rɩ, la f yeelg-a tɩ f sã n yeelge, la f ra pãb nengẽ ye, la f ra yet t'a yaa rao-wẽng ye, la f ra wãag n bas-a rẽnda gãagẽ wã bala».

«Sẽn be na-kugã tẽngrã, sẽn yaa fusẽka, yaa Bugum pʋgẽ».

«Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda».