Encyclopedia of Prophetic Hadiths

«Fur loees ka manegde, rẽndame tɩ tũ ne biig ba-rãmbã minim».

«Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda».

«Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã».

«Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle».

Wẽnd Tẽn-tʋʋma (Wẽnd pʋʋsg la A tɩlgr be a yĩnga) wilgɑ tõnd tʋlsem doɑɑg kɑrengo (ẖʋtbatʋ alhaaǧa): Pẽgr be ne Wẽnde, d kot-A lɑ sõngre lɑ d kot-A yɑɑfgo, lɑ d kot-A gũudum n yi d yõyã wẽngɑ, Wẽnd sẽn kãnd-ɑ bũmb pɑ tõe n menes-ɑ ye, lɑ A sẽn menes-a pεεgd pɑ be ne-ɑ ye, lɑ m mɑɑn kɑset tɩ soɑb sẽn nɑ n tũ n tɩlg kɑ be rẽndɑ Wẽnde, lɑ m mɑɑn kɑset t'ɑ Mʋhɑmmɑd yɑɑ A yɑmbɑ lɑ A Tẽn-tʋʋmɑ, {Yãmb ɑ nebã! Zoe-y y Soɑb ning sẽn nɑɑnɑ yãmb n yi yõor ɑ yembrã, lɑ A nɑɑn ɑ pɑgã n yi yõorẽ wã, lɑ A sẽeg sẽn tũ ne b yiibã rɑop wʋsgo lɑ pɑgbɑ, lɑ y zoe Wẽnde Naab ning yãmb sẽn yõkd tɑɑb sεεg ne A yʋʋrã lɑ y zoe rogmã, ɑd Wẽnd yɩɩme n yɑɑ gũusdɑ ne yãmbɑ}، [Annisɑ'ʋ: 1]. { Yãmb ɑ neb nins sẽn kõ sɩd ne Wẽnde! Zoe-y Wẽnde A zoees tεkẽ lɑ y rɑ wɑ ki rẽndɑme tɩ yãmb yaɑ sɑk n tũ rãmbɑ} [Aɑlʋ ʿɭmrɑɑn: 102], {Yãmb ɑ neb nins sẽn kõ sɩd ne Wẽnde! Zoe-y Wẽnd lɑ y yeel koεεg sẽn yɑɑ tɩrgɑ (70) t'A nɑ mɑneg yãmb tʋʋmã lɑ A yɑɑf yãmb zũnuub-rãmbã lɑ sẽn tũudɑ Wẽnd lɑ A Tẽn-tʋʋmã, ɑd ɑ soɑb pɑɑmɑ pʋɩɩr sẽn yɑɑ zɩsgo} [Al-Ahzɑɑb: 70-71].

M waa Nabiyaamã nengẽ (Wẽnd pʋʋsg la A tɩlgr be a yĩnga) n tũ pagb sẽn yaa Madiin pagba, n na n balm-a, tɩ tõnd yeele: Wẽnd Tẽn-tʋʋmã, tõnd na n balma foom tɩ d kõn n lagem Wẽnd ne Bũmbu, la d kõn n zu, d kõn n yo, d kõn n kʋ d koambã, d kõn n wa ne zĩri-beed koɑmbɑ n yet tɩ yɑɑ d sɩdbã koɑmbɑ, d kõn n kɩɩs foom manegr pʋgẽ, t'a yeele: «Yãmb sẽn tõe bũmb ninga la y sẽn tõe n tʋke». La pag yeel yã: Wẽnd la A Tẽn-tʋʋmã n yɩɩd yolsg ne tõndo, wa tɩ d balem-fo Wẽnd Tẽn-tʋʋmã, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «Ad mam ka yõkd pagb nus ye, la mam sã n yeel pagb koabga, yaa wala mam sẽn na n yeel pag a yembre, maa mam sẽn na yeel pag a yembr bilgri».