Encyclopedia of Prophetic Hadiths

«Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã, b lɩɩmaoongã ka gãndg b kokoyã ye, la yãmb sẽn seg-b zĩig ning fãa bɩ y kʋ-ba, ad b kʋʋbã tara keoor dũni yikr raare, ne ned ning sẽn kʋ-ba».

«Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye».

«Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ. La ned ning sẽn boola n tʋg menengo, ad yẽ me tara zũnuuba, wala neb nins sẽn pʋg yẽ wã zũnuub bilgri, tɩ rẽnda ka boogd bãmb zũnuubã baa fʋɩ».

«Ned ning sẽn wɑ n tɩʋʋs bũmb tõnd yel-kãngɑ pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye» A Bʋhaarɩ la a Muslim n reeg-a. La a Muslim welg n yeelame: "ned ning sẽn maana tʋʋmde, tɩ ka tõnd sagelle, ad rẽnda lebsd n kõ a soabã».

«Yãmb ned fãa ka kõt sɩda halɩ t'a yamleoogã wa yɩ n tũ bũmb ning mam sẽn wa ne wã».