Encyclopedia of Prophetic Hadiths

Nazalaki sima ya Prophète (s.a.w), likolo ya mpunda oyo babengi Ufayr. Ntoma alobaki : “ya Muadh, oyebi droit ya nzambe epayi ya basali naye, na droit ya basali epayi ya nzambe ?", nalobaki: nzambe na ntoma naye nde bayebi, ntoma alobaki: " yasolo droit ya nzambe ezali, basambelaye basangisa ye na eloko moko te, mpe droit ya basali naye ezali apesa bango etumbu te, na Mutu oyo asangisakiye te" Nalobaki: O Motindami ya Nzambe, namema nsango oyo epai ya bato? Alobaki boye: “Kopesa bango nsango te, bako likiya”.

Ntoma ya Nzambe (s.a.w) abondelaki losambo ya ntongo na biso na Al-Hudaybiyyah, na lolenge ya mapata ezalaki yako kangama, mpe ntango asilisi, akendaki epai ya bato. Alobi: “boyebi oyo Nkolo na bino alobi?” Balobaki: Nzambe na Ntoma na Ye bayebi malamu koleka. Alobaki boye: “Kati na basaleli na Ngai ezali na mondimi epai na Ngai mpe mozangi kondima , Mpo na oyo alobi: Tozwi mbula na ngolu mpe ngolu ya Nzambe, azali mondimi na Ngai mpe aboyi kondima ba étoiles, na mpo na oyo alobi: ezuami na nzela ya boye, mpona boye azali mondimi te “Epai na ngai mpe asili kondima ba minzoto” (kaukabun).

Nayokaki Profeta, Nzambe apambola ye pe apesa ye kimia, mikolo mitano liboso akufa, alobaki: «ngai namitie pene ya nzambe koleka kozala pene ya moko na bino, mpe Yasolo nzambe asili kotia ngai pene naye Ndenge atia Abraham camarade naye, Soki nazuaki moninga ya pene na ekolo na ngai, mbele nazua Abu Bakr lokola moninga, Ya solo baoyo bazalaki liboso na bino bazalaki kozwa malita ya basakoli na bango, Mpe bayengebene lokola bisika ya losambo, Bozwa malita te lokola bisika ya losambo ngai napekisi bino yango".

Tango tofandaki na Prophète, Nzambe apambola ye pe apesa ye kimia, na mosquée, mobali moko akoti na kamela na mosquée nsima akangaki yango, na nsima alobaki na bango, : Nani nakati na bino azali Muhammad? Mosakoli, Nzambe apambola ye mpe apesa ye kimia, azalaki kofanda na kati ya bato, yango wana tolobaki: Ezalaki mobali oyo ya pembe afandi awa, Mobali wana alobaki na ye : O Ibn Abdul Muttalib? Mosakoli, Nzambe apambola ye mpe apesa ye kimia, alobaki na ye: “Nayanoli yo.”Mobali wana alobaki na Prophète (s.a.w) : Nazali kotuna yo, motuna ya makasi, yango wana kosilikela ngai te na motema na yo. Alobaki: “Senga nyonso oyo olingi Alobi: Nazali kotuna yo na nzela ya Nkolo na yo mpe na nzela ya Nkolo ya baye bazalaki liboso na yo, Nzambe atindaki yo epai ya bato nyonso? Alobaki boye:“ Allâhuma nam, yasolo” Alobi: Nalapeli yo na kombo ya Nzambe. biso tosambelaka losambo mitano na mukolo nzambe nde atindakiyo nayango? Alobaki: "Allâhuma nam, yasolo,". Alobi: Nalapi yo na kombo ya Nzambe. yasolo nzambe nde atindakiyo biso tokangaka sanza oyo na mbula nyonso? Alobaki: "Allâhuma nam, yasolo". Alobi: Nalapeli yo na kombo ya Nzambe, yasolo nzambe nde atindakiyo ozua mosolo (swadaka) na bato ya mbongo kati na biso opesa bazangi? olobaki: " Allâhuma nam, Yasolo". Mobali wana alobaki: Nandimi oyo oyaki na yango, pe nazali motindami ya bato na ngai sima na ngai, mpe nazali Dhwimaam bin Thalabah, ndeko ya Banu Saad bin Bakr.