Skip to content
417 Hadiths

Encyclopedia of Prophetic Hadiths

Filter results

22 of 417 cards

Clear filters
((نڤێژا زه‌لامی ب جه‌ماعه‌ت؛ ب بیست و چه‌ند پله‌یان زێده‌تره‌ ژ نڤێژا وی د مالا ویدا یان د بازاڕێ ویدا، ئه‌ڤه‌ ژی چونكی ده‌مێ ئێك ژ وان ده‌ستنڤێژه‌كا جوان و تازه‌ دگریت، پاشی دهێته‌ مزگه‌فتێ و چ تشت وی نائینیته‌ مزگه‌فتێ ژ بلی نڤێژێ و چ مه‌ره‌مێن دی نینن ژ بلی نڤێژێ؛ هنگی هه‌ر پێنگاڤه‌كا ئه‌و دهاڤێژیت، پله‌یه‌ك بۆ دهێته‌ بلندكرن و گونه‌هه‌ك بۆ دهێته‌ ژێبرن، هه‌تا دچیته‌ د ناڤ مزگه‌فتێڤه‌، ڤێجا ده‌مێ چوو د ناڤ مزگه‌فتێڤه،‌ ئه‌و هه‌ر یێ د نڤێژێدا‌ هندی نڤێژ وی ل وێرێ ڕاگریت و نه‌هێلیت ده‌ركه‌ڤیت، مه‌لائیكه‌ت ژی دوعایان بۆ ئێك ژ هه‌وه‌ دكه‌ن هندی ئه‌و ل وی جهێ نڤێژ لێ كری یێ ڕوینشتی بیت، دبێژن: خودایێ من؛ دلۆڤانییێ پێببه‌، خودایێ من؛ گونه‌هێن وی ژێببه‌، خودایێ من؛ ته‌وبه‌یا وی قه‌بویل بكه‌، هندی ئه‌و كه‌سێ ل وێرێ نه‌خۆشییێ بۆ كه‌سێ دروست نه‌كه‌ت و ده‌ستنڤێژا وی نه‌شكه‌ستبیت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضل الوضوء، فضل صلاة الجماعة وأحكامها، أحكام المساجدموضوعات الحديثأحكام الوضوء، صلاة الجماعة
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ ته‌كبیرا (ئیحرامێ بۆ) نڤێژێ دكر، بۆ ده‌مه‌كێ كێم بێده‌نگ دبوو به‌ری قورئانێ بخوینیت، ڤێجا من گۆتێ: ئه‌ی پێغه‌مبه‌رێ خودێ؛ باب و دایكا من گۆری ته‌ بن، ئه‌رێ تو د ئه‌وێ بێده‌نگییا د ناڤبه‌را ته‌كبیرا ئیحرامێ و خواندنێدا چ دبێژی؟ گۆت: «ئه‌ز دبێژم: خودایێ من؛ تو دویراتییێ بێخه‌ د ناڤبه‌را من و گونه‌هێن مندا وه‌كی چاوا ته‌ دویراتی ئێخستییه‌ د ناڤبه‌را ڕۆژهه‌لات و ڕۆژئاڤایێدا. خودایێ من؛ من ژ گونه‌هێن من پاقژ بكه‌ وه‌كی چاوا جلكێ سپی ژ پیساتییێ دهێته‌ پاقژكرن. خودایێ من؛ گونه‌هێن من ب ئاڤ و به‌فر و گژلۆكێ بشۆ».
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة الصلاة، أذكار الصلاةموضوعات الحديثسنن الصلاة، صفة الصلاة
پێغەمبەرێ خودێ (صەلات و سەلامێن خودێ ل سەر بن) وه‌عزه‌ك ل مه‌ كر كو دل ژ به‌ر ترسیان و چاڤ ژ به‌ر گریان. ڤێجا مە گۆت: ئه‌ی پێغەمبەرێ خودێ؛ هه‌ر وه‌كی دێ بێژی ئه‌ڤه‌ شیره‌تا وی كه‌سییه‌ یێ خاترا خۆ دخوازیت، ڤێجا شیره‌تێ ل مە بکە. گۆت: ((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بوو مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جوداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه‌)).
فه‌رمووده‌یه‌كا دروسته‌ ئه‌بو داوود و تیرمیزی و ئبن ماجه و ئیمام ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيالصحابة وفضلهم، حق الإمام على الرعية، حقيقة البدعة، أهمية السنة ومكانتها، الخلافة الراشدة وسير الصحابةموضوعات الحديثأحكام الإمامة، البدعة، متابعة الرسول ﷺ، التقوى
((ئه‌وی د هه‌می نڤێژێن فه‌ڕز و یێن دی دا، د ڕه‌مه‌زانێدا و د ده‌مێن دیدا (الله أكبر) دگۆت، ده‌مێ بۆ نڤێژێ ڕادبوو (الله أكبر) دگۆت، پاشی ده‌مێ دچوو ڕكوعێ (الله أكبر) دگۆت، پاشی دگۆت: سمع الله لمن حمده، پاشی دگۆت: ربنا ولك الحمد، به‌ری كو بچیته‌ سوجدێ، پاشی دگۆت: الله أكبر ده‌مێ دچوو سوجدێ، پاشی دگۆت: الله أكبر ده‌مێ سه‌رێ خۆ ژ سوجدێ ڕادكر، پاشی دگۆت: الله أكبر ده‌مێ سوجده‌ دبر، پاشی دگۆت: الله أكبر ده‌مێ سه‌رێ خۆ ژ سوجدێ ڕادكر، پاشی (الله أكبر) دگۆت ده‌مێ پشتی ته‌حیاتا ئێكێ ڕادبووڤه‌ بۆ ڕ‌كاعه‌تا سێیێ، و ئه‌ڤه‌ د هه‌می ڕكاعه‌تاندا دكر هه‌تا نڤێژ ب دویماهیك دهات، پاشی ده‌مێ نڤێژ ب دویماهیك دئینا دگۆت: ئه‌ز ب وی كه‌مه‌ یێ نه‌فسا من د ده‌ستیدا، ئه‌ز ژ هه‌مییان نێزیكترم ب نڤێژا پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، ئه‌ڤه‌ نڤێژا وی بوو هه‌تا ژ دونیایێ وه‌غه‌ر كری)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة الصلاة، أذكار الصلاةموضوعات الحديثمتابعة الرسول ﷺ، صفة الصلاة
((ئه‌گه‌ر هوین چوونه‌ د نڤێژێدا؛ ڕێزێن خۆ ڕاست بكه‌ن، پاشی بلا ئێك ژ هه‌وه‌ ببيته‌ پێشنڤێژێ هه‌وه‌، ڤێجا ئه‌گه‌ر پێشنڤێژی (تكبيرة الإحرام) كر (ئانكو گۆت: الله أكبر)؛ هوین ژی وێ بێژن، و ئه‌گه‌ر فاتیحه‌ خواند و گه‌هشته‌: غَيْرِ الْمَغْضُوبِ عَلَيْهِمْ وَلا الضَّالِّينَ} [الفاتحة: 7]، هوین بێژن: ئامین؛ ئه‌گه‌ر هوین ڤێ بكه‌ن؛ خودێ دێ به‌رسڤا دوعایا هه‌وه‌ ده‌ت، و ئه‌گه‌ر پێشنڤێژی گۆت (الله أكبر) و چوو ڕكوعێ؛ هوین ژی وه‌بكه‌ن، چونكی پێشنڤێژ به‌ری هه‌وه‌ دچیته‌ ڕكوعێ و به‌ری هه‌وه‌ ژی ڕادبیت))، پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ڤێجا ئه‌و ده‌مێ كێم یێ پێشنڤێژ به‌ری هه‌وه‌ دچیته‌ ڕكوعێ دێ بۆ هه‌وه‌ هێته‌ قه‌ره‌بووكرن ب وێ پاشكه‌ڤتنا هه‌وه‌ پشتی پێشنڤێژ ڕادبیت و ب ڤێ چه‌ندێ ده‌مێ ڕكوعا هه‌وه‌ و یا پێشنڤێژی دێ وه‌ك ئێك بیت))، و ئه‌گه‌ر پێشنڤێژی گۆت: (سَمِعَ اللهُ لِمَنْ حَمِدَهُ)، هوین بێژن: (اللَّهُمَّ رَبَّنَا لَكَ الْحَمْدُ)، ئه‌گه‌ر مه‌ئمومان ئه‌و گۆت، خودایێ مه‌زن دێ گوهـ ل دوعا و گۆتنا وان بیت، چونكی خودایێ مه‌زن ل سه‌ر ئه‌زمانێ پێغه‌مبه‌رێ خۆ گۆتییه‌: (سَمِعَ اللهُ لِمَنْ حَمِدَهُ). پاشی ئه‌گه‌ر پێشنڤێژی گۆت (الله أكبر) و چوو سوجدێ؛ هوین ژی وەبکەن، پێشنڤێژ به‌ری هه‌وه‌ دچیته‌ سوجدێ و به‌ری هه‌وه‌ ژی سه‌رێ خۆ ڕادكه‌ت))، پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ڤێجا ئه‌و ده‌مێ كێم یێ پێشنڤێژ به‌ری هه‌وه‌ دچته‌ سوجدێ دێ بۆ هه‌وه‌ هێته‌ قه‌ره‌بووكرن ب وێ پاشكه‌ڤتنا هه‌وه‌ پشتی پێشنڤێژ ڕادبیت و ب ڤێ چه‌ندێ ده‌مێ سوجدا هه‌وه‌ و یا پێشنڤێژی دێ وه‌ك ئێك بیت، و ده‌مێ ڕوینشتنا بۆ ته‌حیاتێ؛ بلا ده‌سپێكا ئاخڤتنا هه‌وه‌ ئه‌ڤه‌ بیت هوین بێژن: (التَّحِيَّاتُ الطَّيِّبَاتُ الصَّلَوَاتُ لِلهِ، السَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكَاتُهُ، السَّلَامُ عَلَيْنَا وَعَلَى عِبَادِ اللهِ الصَّالِحِينَ، أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ) )).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيأركان الصلاة، واجبات الصلاة، صفة الصلاة، أذكار الصلاة، أحكام الإمام والمأمومموضوعات الحديثصفة الصلاة، صلاة الجماعة
((خودایێ مه‌زن گۆت: من نڤێژ (ئانكو سووڕه‌تا فاتیحه‌) د ناڤبه‌را خۆ و عه‌بدێ خۆ دا كرییه‌ دوو پشك، و بۆ عه‌بدێ منه‌ چ تشتێ ئه‌و بخوازیت. ڤێجا ئه‌گه‌ر عه‌بدی گۆت: {الْحَمْدُ لِلَّهِ رَبِّ الْعَالَمِينَ}، خودایێ مه‌زن دبێژیت: عه‌بدێ من حه‌مد و سوپاسییا من كر. ئه‌گه‌ر گۆت: {الرَّحْمَنِ الرَّحِيمِ}، خودایێ مه‌زن دبێژیت: عه‌بدێ من په‌سن و مه‌دحێن من كرن. ئه‌گه‌ر گۆت: {مَالِكِ يَوْمِ الدِّينِ}، خودێ دبێژیت: عه‌بدێ من ئه‌ز ب مه‌زن دانام -و جاره‌كێ ژی گۆت: عه‌بدێ من كارێ خۆ ب من سپارد-، ڤێجا ئه‌گه‌ر گۆت: {إِيَّاكَ نَعْبُدُ وَإِيَّاكَ نَسْتَعِينُ}، خودێ دبێژیت: ئه‌ڤه‌ د ناڤبه‌را من و عه‌بدێ مندایه‌ و بۆ عه‌بدێ منه‌ چ تشتێ ئه‌و بخوازیت. ڤێجا ئه‌گه‌ر گۆت: {اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ}، خودێ دبێژیت: ئه‌ڤه‌ بۆ عه‌بدێ منه‌ و بۆ عه‌بدێ منه‌ چ تشتێ ئه‌و بخوازیت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيفضائل السور والآيات، أركان الصلاة، تفسير الآياتموضوعات الحديثفضائل السور والآيات، أركان الصلاة
زه‌لامه‌ك ژ خه‌لكێ نه‌جدێ هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) كو پرچا وی یا بژاله‌ بوو، مه‌ گوھ ل ده‌نگێ وی دبوو، به‌لێ مه‌ نه‌دزانی و ئه‌م تێنه‌‌دگه‌هشتین ئه‌و چ دبێژیت، هه‌تا نێزیكی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووی، مه‌ دیت ‌ئه‌و یێ پرسیارا ئیسلامێ ژ وی دكه‌ت، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: «پێنج نڤێژ د شه‌ڤه‌ك و ڕۆژه‌كێدا»، گۆت: ئه‌رێ ژ بلی ڤان نڤێژان؛ چ نڤێژێن دی ل سه‌ر من هه‌یه‌؟ گۆت: «نه‌خێر، ئه‌و نه‌بیت ئه‌گه‌ر تو ب خۆ ب حه‌زا خۆ نڤێژێن سوننه‌ت بكه‌ی، هه‌روه‌سا ڕۆژییێن هه‌یڤا ڕه‌مه‌زانێ ژی ل سه‌ر ته‌ هه‌نه‌»، گۆت: ئه‌رێ ژ بلی وان؛ چ ڕۆژییێن دی ل سه‌ر من هه‌نه‌؟ گۆت: «نه‌خێر، ئه‌و نه‌بیت ئه‌گه‌ر تو ب خۆ ب حه‌زا خۆ ڕۆژییێن سوننه‌ت بگری»، و پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌حسێ زه‌كاتێ ژی بۆ كر، گۆت: ئه‌رێ ژ بلی وێ چ دی ل سه‌ر من هه‌یه‌؟ گۆت: «نه‌خێر، ئه‌و نه‌بیت ئه‌گه‌ر تو ب خۆ ب حه‌زا خۆ خێر و صه‌ده‌قه‌یێن سوننه‌ت بكه‌ی»، ئینا ئه‌و زه‌لام زڤڕی و چوو و هه‌ر دگۆت: سویند ب خودێ؛ نه‌ ئه‌ز تشته‌كی ل سه‌ر‌ زێده‌ دكه‌م و نه تشته‌كی‌ ژێ كێم دكه‌م، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: «ئه‌و سه‌رفه‌راز بوو ئه‌گه‌ر ڕاست بێژیت».
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوجوب الصلاة وفضلها وحكم تاركها، صلاة التطوع، وجوب الزكاة وحكم تاركها، صدقة التطوع، وجوب الصيام وحكم تاركه، الإسلامموضوعات الحديثالزكاة ومكانتها، الصوم الواجب، صيام التطوع، صدقة التطوع، مكانة الصلاة وفضلها، صلاة التطوعمحاور التعريف بالإسلامأركان الإسلام
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ته‌حیات (ته‌شه‌هود) نیشا من دا، د ده‌مه‌كیدا ده‌ستێ من د ناڤبه‌را هه‌ردوو ده‌ستێن ویدا بوو، هه‌روه‌كی چاوا سووڕه‌ته‌كا قورئانێ نیشا من ددا: ((التَّحِيَّاتُ لِلَّهِ، وَالصَّلَوَاتُ وَالطَّيِّبَاتُ، السَّلاَمُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ، السَّلاَمُ عَلَيْنَا وَعَلَى عِبَادِ اللَّهِ الصَّالِحِينَ، أَشْهَدُ أَنْ لاَ إِلَهَ إِلَّا اللَّهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ)) ئانكو: ((سلاڤ و په‌رستن بۆ خودێنه‌، نڤێژ و كریارێن پاقژ بۆ خودێنه‌، سلاڤ ل سه‌ر ته‌ بن ئه‌ی پێغه‌مبه‌ر و دلۆڤانی و به‌ره‌كه‌تێن خودێ ل سه‌ر ته‌ بن، سلاڤ ل سه‌ر مه‌ و ل سه‌ر عه‌بدێن خودێ یێن چاك بن، ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و ئه‌ز شاهده‌ییێ دده‌م كو موحه‌ممه‌د عه‌بدێ خودێ و پێغه‌مبه‌رێ وییه‌)). و د ڤه‌گوهاستنه‌كا دیدا هاتییه‌: ((إِنَّ اللهَ هُوَ السَّلَامُ، فَإِذَا قَعَدَ أَحَدُكُمْ فِي الصَّلَاةِ فَلْيَقُلْ: التَّحِيَّاتُ لِلَّهِ وَالصَّلَوَاتُ وَالطَّيِّبَاتُ السَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكَاتُهُ، السَّلَامُ عَلَيْنَا وَعَلَى عِبَادِ اللهِ الصَّالِحِينَ، فَإِذَا قَالَهَا أَصَابَتْ كُلَّ عَبْدٍ لِلَّهِ صَالِحٍ فِي السَّمَاءِ وَالْأَرْضِ، أَشْهَدُ أَنْ لَا إِلَهَ إِلَّا اللهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، ثُمَّ يَتَخَيَّرُ مِنَ الْمَسْأَلَةِ مَا شَاءَ)) ئانكو: ((ب ڕاستی خودێ بخۆ سه‌لامه‌، ڤێجا ده‌مێ ئێك ژ هه‌وه‌ د نڤێژێدا ڕوینشت بلا بێژیت: سلاڤ و په‌رستن بۆ خودێنه‌، نڤێژ و كریارێن پاقژ بۆ خودێنه‌، سلاڤ ل سه‌ر ته‌ بن ئه‌ی پێغه‌مبه‌ر و دلۆڤانی و به‌ره‌كه‌تێن خودێ ل سه‌ر ته‌ بن، سلاڤ ل سه‌ر مه‌ و ل سه‌ر عه‌بدێن خودێ یێن چاك بن، ده‌مێ ئه‌ڤه‌ گۆت؛ دێ گه‌هیته‌ هه‌ر عه‌بده‌كێ چاك يێ خودێ ل ئه‌سمان و ئه‌ردی، ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و ئه‌ز شاهده‌ییێ دده‌م كو موحه‌ممه‌د عه‌بدێ خودێ و پێغه‌مبه‌رێ وییه، پاشی تشتێ وی دڤێت دێ بۆ خۆ داخواز کەت‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة الصلاة، أذكار الصلاةموضوعات الحديثأركان الصلاة، صفة الصلاة