Encyclopedia of Prophetic Hadiths

زەلامەکی پرسیار ژ پێغەمبەرێ خودێ (صەلات و سەلامێن خودێ ل سەر بن) کر و گۆت: تو چ دبێژی ئەگەر من نڤێژێن فەڕز کرن و ڕۆژییێن ڕەمەزانێ گرتن، حەلال حەلال کر و حەرام حەرام کر و من چ تشت ل سەر ڤانه‌ زێدە نەكرن، ئەرێ دێ چمە بەهەشتێ؟ گۆت: ((بەلێ)). گۆت: ئه‌ز ب خودێ كه‌مه‌؛ خۆ ئه‌ز تشته‌كی ل سه‌ر ڤانه‌ زێده‌ ناكه‌م.

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئه‌و هه‌ردوو تشتێن مسوگه‌ردكه‌ن چنه‌؟ گۆت: ((هه‌ر كه‌سێ بمریت و وی چ شریك و هه‌ڤال بۆ خودێ په‌یدا نه‌كربن؛ دێ چیته‌ به‌حه‌شتێ و هه‌ر كه‌سێ بمریت و وی شریك و هه‌ڤال بۆ خودێ په‌یدا كربن؛ دێ چیته‌ جه‌هنه‌مێ)).

((هندى د ناڤبه‌را مرۆڤى و شرك و كوفرێدايە؛ هێلانا نڤێژێیه‌)).

((خودێ دلۆڤانییێ ب زه‌لامه‌كی ببه‌ت كو یێ ب ساناهی بیت ئه‌گه‌ر تشته‌ك فرۆت و ئه‌گه‌ر تشته‌ك كڕی و ئه‌گه‌ر داخوازا ده‌ینێ خۆ كر)).

((هەر کەسێ (ل ڕۆژا قیامەتێ) بگه‌هیته‌ دیدارا خودێ و وی چ شریك و هه‌ڤال بۆ خودێ دروست نه‌كربن؛ دێ چیته‌ به‌هه‌شتێ، و هه‌ر کەسێ (ل ڕۆژا قیامەتێ) بگه‌هیته‌ دیدارا خودێ و وی شریك و هه‌ڤاله‌ك بۆ خودێ دروست كربیت؛ دێ چیته‌ جه‌هنه‌مێ)).

((هه‌می باشی خێر و صه‌ده‌قه‌نه‌)).

((خۆ فێری زانینێ نه‌كه‌ن دا شانازییێ بۆ خۆ پێ ل ده‌ڤ زانایان بكه‌ن و دا گه‌نگه‌شیێ بۆ خۆ پێ د گه‌ل نه‌زانان بكه‌ن، دیسان نه‌ بۆ هندێ دا سه‌رێ دیوانان بۆ هه‌وه‌ بیت، هه‌ر كه‌سێ ئه‌ڤ چه‌نده‌ كر؛ هنگی ئاگر ئاگر (یێ ل هیڤییا وی)).

((زه‌لامه‌كی ده‌ستنڤێژ گرت و هندی نینۆكه‌كێ ژ پێیێ خۆ هێلا (ئاڤ نه‌گه‌هشتبوویێ)، پێغه‌مبه‌ری ژی (صه‌لات و سه‌لامێن خودێ ل سه‌ر بن) دیت و گۆتێ: ((بزڤڕه‌ڤه‌ و ده‌ستنڤێژا خۆ ب جوانی بگره‌))، ئه‌و ژی زڤڕی و پاشی نڤێژا خۆ كر)).