Skip to content
417 Hadiths

Encyclopedia of Prophetic Hadiths

Filter results

11 of 417 cards

Clear filters
Filter
Pick a property to filter by
الفئة المستهدفة2
حجم المحتوى4
التصنيفات اليومية2
التخريج المتعدد2
حجم المحتوى: متوسط
پێغەمبەرێ خودێ (صەلات و سەلامێن خودێ ل سەر بن) گۆت: ((ب ڕاستی خودێ گۆت: هه‌ر كه‌سێ دوژمناهییا وه‌لییه‌كێ من بكه‌ت؛ دێ شه‌ڕی ل دژی وی ڕاگه‌هینم، و نینه‌ عه‌بدێ من ب تشته‌كی خۆ نێزیكی من بكه‌ت خۆشتڤیتر بیت ل ده‌ڤ من ژ وی تشتێ من ل سه‌ر وی فه‌ڕزكری و به‌رده‌وام عه‌بدێ من ب ئه‌نجامدانا سوننه‌تان دێ خۆ نێزیكی من كه‌ت هه‌تا ئه‌ز حه‌ز ژێ دكه‌م، گاڤا من حه‌ز ژێ كر: دێ بمه‌ گوهێ وی یێ ئه‌و تشتی پێ گوهلێ دبیت، دێ بمه‌ چاڤێ وی یێ ئه‌و تشتی پێ دبینیت، دێ بمه‌ ده‌ستێ وی يێ ئه‌و تشتی پێ دگریت، دێ بمه‌ پێ وی یێ ئه‌و ل سه‌ر ب ڕێڤه‌ دچیت (ئانكو خودێ دێ ئه‌ندامێن وی مرۆڤی ژ كرنا كارێن خه‌له‌ت پارێزیت)، و ئه‌گه‌ر داخوازا تشته‌كی ژ من كر؛ دێ ده‌مه‌ وی و ئه‌گه‌ر خۆ ب من پاراست ژ تشته‌كی؛ دێ وی پارێزم، و ئه‌ز بۆ چ كارێن من كرین دوودل نه‌بوویمه‌ (دوودلبوونا خودێ ژ به‌ر په‌یدابوونا شك و گومانێ نینه‌، به‌لكی ژ به‌ر حه‌زژێكرنا وییه‌ بۆ باوه‌رداری) وه‌كی وی ده‌مێ ئه‌ز ڕۆحا باوه‌رداری ژێ وه‌ردگرم، ئەو حه‌زناكه‌ت بمریت و ئه‌ز ژی حه‌زناكه‌م بێدلییا وی بكه‌م)).
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيأحكام الولاء والبراء، فضائل الأعمال الصالحة، أحوال الصالحين، توحيد الأسماء والصفاتموضوعات الحديثالدعاء، معاداة أولياء الله وأذيتهم، المحبة
من پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ گونه‌هـ ل ده‌ڤ خودێ ژ هه‌مییان مه‌زنتره‌؟ گۆت: ((ئه‌وه‌ تو هه‌ڤپشكه‌كی بۆ خودێ په‌یدا بكه‌ی د ده‌مه‌كیدا وی تو یێ دروست كری))، من گۆت: ب ڕاستی ئه‌و گونه‌هه‌كا مه‌زنه‌، پاشی من گۆت: پاشی كیژ؟ گۆت: ((ئه‌وه‌ تو زارۆكێ خۆ بكوژی ژ ترسا هندێ كو د گه‌ل ته‌ خوارنێ بخۆت))، من گۆت: پاشی كیژ؟ گۆت: ((ئه‌وه‌ تو زینایێ د گه‌ل ژنا جیرانێ خۆ بكه‌ی)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيحد الزنا، ذم المعاصي، تربية الأولاد، توحيد الربوبية، الشركموضوعات الحديثقتل النفس، الزنا، أهمية التوحيد، أذى الجار، الشرك بالله وأقسامه، التوكلمحاور التعريف بالإسلامبطلان الشرك وصوره، بطلان عبادة غير الله
پێغەمبەرێ خودێ (صەلات و سەلامێن خودێ ل سەر بن) - و ئەو ڕاستگۆیێ باوەرپێکرییە - بۆ مە گۆت كو: ((مسوگه‌ر ئێك ژ هه‌وه‌ دروستبوونا وی د زکێ دایکا ویدا چل ڕۆژ و چل شەڤان دهێتە كۆمكرن، پاشی دبيتە پارچەیه‌کا خوینێ وەکی وێ (چل ڕۆژێن دی)، پاشی دبيتە پارچەیه‌کا گۆشتی وەکی وێ (چل ڕۆژێن دی). پاشی مه‌لائیكه‌ت بۆ دهێتە هنارتن و ڕۆحێ دكه‌ته به‌ر و فەرمانا چار پەیڤان ل وی مه‌لائیكه‌تی دهێتە کرن: ب نڤیسینا ڕزقێ وی، ژییێ وی، کارێ وی و كا مرۆڤه‌كێ به‌ختڕه‌شه یان به‌خته‌وه‌ره‌، ئه‌ز ب وی كه‌مه‌ یێ ژ وی پێڤه‌تر چ خودایێن ژ هه‌ژی په‌رستنێ نینن؛ مسوگه‌ر ئێك ژ هه‌وە دێ کارێ خەلکێ بەهەشتێ کەت، هەتا کو ب تنێ گه‌زه‌ك د ناڤبەرا وی و به‌هەشتێدا دمینیت، پاشی په‌ڕتووك (ئه‌وا ل سه‌ر وی هاتییه‌ نڤیسین) دێ به‌ری وی ڕاكه‌ت و دێ کارێ خەلکێ جه‌هنه‌مێ کەت و دێ چیتە د ناڤدا، مسوگه‌ر (ل به‌رامبه‌ری ڤێ ژی) ئێك ژ هه‌وە دێ کارێ خەلکێ جه‌هنه‌مێ کەت، هەتا کو ب تنێ گه‌زه‌ك د ناڤبەرا وی و جه‌هنه‌مێدا دمینیت، پاشی په‌ڕتووك (ئه‌وا ل سه‌ر وی هاتییه‌ نڤیسین) دێ به‌ری وی ڕاكه‌ت و دێ کارێ خەلکێ به‌هه‌شتێ کەت و دێ چیتە د ناڤدا)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالإيمان باليوم الآخر، الإيمان بالقضاء والقدر، الملائكة، الإسلامموضوعات الحديثالإيمان بالملائكة، الإيمان بالقدر خيره وشره، الخوف، الرجاء، العُجْب
((هنده‌ك مرۆڤ ژ ئه‌هلێ شركێ هه‌بوون، كوشتن گه‌له‌ك كربوو و زینا گه‌له‌ك كربوو، هاتنه‌ ده‌ڤ موحه‌ممه‌دی (صه‌لات و سه‌لامێن خودێ ل سه‌ر بن) و گۆتن: ئه‌و تشتێ تو دبێژی و گازییێ بۆ دكه‌ی یێ جوان و تازه‌یه‌‌، خۆزی ته‌ بۆ مه‌ گۆتبا و دیاركربا‌ كا ئه‌و كارێن مه‌ كرین كه‌فاره‌ته‌ك بۆ هه‌یه‌؟ ئینا ئه‌ڤ ئایه‌ته‌ هاته‌ خوار: {وَالَّذِينَ لا يَدْعُونَ مَعَ اللَّهِ إِلَهًا آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلا بِالْحَقِّ وَلا يَزْنُونَ} [الفرقان: 68]، و ئه‌ڤ ئایه‌ته‌ ژی هاته‌ خوار: {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ} [الزمر: 53])).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأسباب النزول، التوبة، تفسير الآيات، الإسلامموضوعات الحديثالقرآن وعلومه، سعة فضل الله عز وجل، التوبة، القنوط من رحمة اللهمحاور التعريف بالإسلامفوائد الدخول في الإسلام، النجاة بالدخول في الإسلام
((سه‌روه‌را ئیستیغفاران ئه‌ڤه‌یه‌‌ تو بێژی: "اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي فَاغْفِرْ لِي، فَإِنَّهُ لاَ يَغْفِرُ الذُّنُوبَ إِلَّا أَنْتَ"، ئانكو: ((خودایێ من؛ تو خودایێ منی، ژ ته‌ پێڤه‌تر چ خودایێن ژ هه‌ژی په‌رستنێ نینن، ته‌ ئه‌ز یێ ئافراندیم و ئه‌ز عه‌بدێ ته‌مه‌ و هندی ئه‌ز بشێم ژی ئه‌ز یێ ل سه‌ر سۆز و په‌یمانا ته‌، ئه‌ز خۆ ب ته‌ دپارێزم ژ خرابییا وان كارێن من ئه‌نجام داین، ئه‌ز دانپێدانێ ب نیعمه‌تێن ته‌ ل سه‌ر خۆ دكه‌م و ئه‌ز دانپێدانێ ب گونه‌هێن خۆ دكه‌م، ڤێجا تو گونه‌هێن من ژێببه‌، چونكی ب ڕاستی ژ بلی ته‌ كه‌س گونه‌هان ژێنابه‌ت)). گۆت: ((و هه‌ر كه‌سێ ل ڕۆژێ ب باوه‌ری ڤێ بێژیت و ل وێ ڕۆژێ به‌ری ئێڤاری بمریت؛ دێ ژ ئه‌هلێ به‌حه‌شتێ بیت، و هه‌ر كه‌سێ ب شه‌ڤ ب باوه‌ری ڤێ بێژیت و به‌ری سپێدێ بمریت؛ دێ ژ ئه‌هلێ به‌حه‌شتێ بیت)).
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيأذكار الصباح والمساء، التوبةموضوعات الحديثأذكار الصباح، أذكار المساء، التوبة
ژ پێغه‌مبه‌ری (صه‌لات و سه‌لامێن خودێ ل سه‌ر بن) ژ وێ یا ژ خودایێ خۆ یێ مه‌زن ڤه‌دگێڕیت كو گۆتییه‌: ((عه‌بدەکی گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. تشتێ ته‌ دڤێت بكه‌؛ ئه‌ز ل ته‌ بووریم و من گونه‌هێن ته‌ ژێبرن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضل الدعاء، التوبةموضوعات الحديثالدعاء، سعة فضل الله عز وجل، التوبةمحاور التعريف بالإسلامصفات الله تعالى
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) نڤێژا سپێدێ ل حوده‌یبییه‌یێ ل به‌را مه‌ كر پشتی بارانەك ب شەڤ باری، و پشتی ژ نڤێژێ ب دویماهیك هاتی؛ به‌رێ خۆ دا خه‌لكى و گۆت: ((ئەرێ هوین دزانن خودایێ هەوە چ گۆت؟)) گۆتن: خودێ و پێغەمبەرێ وی باشتر دزانن، گۆت: ((سپێده‌ ب سه‌ر هندەك ژ عه‌بدێن مندا هات و هنده‌ك ژ وان باوه‌ری ب من ئینا و هنده‌كێن دی كافربوون ب من، هندیكه‌ ئه‌وه‌ یێ گۆتی: ب قه‌نجی و باشییا خودێ باران بۆ مە باری، ئەڤێ هه‌نێ ئه‌وه‌ یێ باوه‌ری ب من ئینای و كافر بووی ب ستێران، به‌لێ هندیكه‌ ئه‌وه‌ یێ گۆتی: ژ به‌ر فلان ستێرێ و فلان ستێرێ باران بۆ مه‌ باری، ئه‌ڤێ هه‌نێ یێ كافربووی ب من و باوه‌ری یا ب ستێران ئینای)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالأذكار للأمور العارضة، توحيد الربوبية، الكفر، الشركموضوعات الحديثالذِّكْر، أهمية التوحيد، الشرك بالله وأقسامه، الكفر وأنواعه، الكهانة والعرافة والتنجيم وإتيان من يتلبس بهذه المنكرات، الشكرمحاور التعريف بالإسلامبطلان الشرك وصوره، ربوبية الله للعالمين، التذكير بنعم الله علينا
هاته‌ گۆتن: ئه‌ی پێغه‌مبه‌رێ خودێ؛ ل ڕۆژا قیامه‌تێ كیژ مرۆڤ ژ هه‌مییان پتر دێ ب شه‌فاعه‌تا ته‌ به‌خته‌وه‌ر بیت؟ گۆت: ((ئه‌بو هوره‌یره‌؛ من گومان دبر كو ژ ته‌ پێڤه‌تر كه‌سه‌ك پرسیارا ڤێ فه‌رمووده‌یێ ژ من ناكه‌ت، ئه‌ڤه‌ ژی ژ به‌ر وێ ڕژدییا ئه‌ز ل ده‌ڤ ته‌ دبینم ل سه‌ر ب ده‌ستڤه‌ئینانا فه‌رمووده‌یان، به‌خته‌وه‌رترین مرۆڤ ب شه‌فاعه‌تا من ل ڕۆژا قیامه‌تێ ئه‌وه‌ یێ ژ نیڤا دلێ خۆ گۆتی: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن (لا إله إلا الله))).
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيالصحابة وفضلهم، فضل العلم، فضائل التوحيد، آداب العالم والمتعلم، توحيد الألوهيةموضوعات الحديثالحث على طلب العلم، الشفاعة، الإخلاصمحاور التعريف بالإسلامالنجاة بالدخول في الإسلام