Encyclopedia of Prophetic Hadiths

((هه‌ر كه‌سێ ده‌مێ گوهـ ل بانگهلدێری دبیت بێژیت: (أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ، رَضِيتُ بِاللهِ رَبًّا وَبِمُحَمَّدٍ رَسُولًا، وَبِالْإِسْلَامِ دِينًا، غُفِرَ لَهُ ذَنْبُهُ)، ئانكو: (ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن و كو موحه‌ممه‌د عه‌بدێ خودێ و پێغه‌مبه‌رێ وییه‌، ئه‌ز ڕازی بووم خودێ خودایێ من بیت و موحه‌ممه‌د پێغه‌مبه‌رێ من بیت و ئیسلام ئایینێ من بیت)؛ گونه‌هێن وی دێ هێنه‌ ژێبرن)).

((ده‌مێ هه‌وه‌ گوهـ ل بانگی بوو؛ هوین ژی وه‌كی وێ یا بانگهلدێر دبێژیت ببێژن)).

((ئه‌گه‌ر بانگهلدێری گۆت: (الله أكبر الله أكبر)، و ئێك ژ هه‌وه‌ ژی گۆت: (الله أكبر الله أكبر)، پاشی (بانگهلدێری) گۆت: (أشهد أن لا إله إلا الله)، وی ژی گۆت: (أشهد أن لا إله إلا الله)، پاشی گۆت: (أشهد أن محمدا رسول الله)، وی ژی گۆت: (أشهد أن محمدا رسول الله)، پاشی گۆت: (حي على الصلاة)، وی گۆت: (لا حول ولا قوة إلا بالله)، پاشی گۆت: (حي على الفلاح)، وی گۆت: (لا حول ولا قوة إلا بالله)، پاشی گۆت: (الله أكبر الله أكبر)، وی گۆت: (الله أكبر الله أكبر)، پاشی گۆت: (لا إله إلا الله)، و وی ژی گۆت: (لا إله إلا الله)، ئه‌گه‌ر ئه‌ڤه‌ ژ دلێ خۆ گۆت؛ دێ چیته‌ د به‌حەشتێدا)).

((ئه‌گه‌ر هه‌وه‌ گوهـ ل بانگهلدێری بوو؛ هنگی هوین ژی هه‌مان گۆتنێن وی بێژن، پاشی صه‌له‌واتان بده‌نه‌ سه‌ر من، چونكی هه‌ر كه‌سێ صه‌له‌واته‌كێ بده‌ته‌ سه‌ر من؛ خودێ دێ ده‌هـ صه‌له‌واتان ده‌ته‌ سه‌ر وی. پاشی داخوازا (وه‌سیلێ) بۆ من ژ خودێ بكه‌ن، چونكی ئه‌و پله‌یه‌كه‌ د به‌حه‌شتێدا و ب تنێ دێ بۆ عه‌بده‌كی ژ عه‌بدێن خودێ ‌بیت و ئه‌ز هيڤیدارم ئه‌و كه‌سه‌ ئه‌ز بم، ڤێجا هه‌ر كه‌سێ داخوازا (وه‌سیلێ) بۆ من بكه‌ت؛ شه‌فاعه‌تا من بۆ وی حه‌لال بوو)).