Encyclopedia of Prophetic Hadiths

«ئه‌رێ ئه‌ز به‌رێ هه‌وه‌ نه‌ده‌مه‌ هنده‌ك كاران كو خودێ گونه‌هان پێ ژێدبه‌ت و پله‌یان پێ بلند دكه‌ت؟» گۆتن: به‌لێ ئه‌ی پێغه‌مبه‌رێ خودێ، گۆت: «ته‌مامكرنا ده‌ستنڤێژێ د سه‌ر نه‌خۆشییاندا و گه‌له‌ك پێنگاڤ هاڤێتن و چوونا به‌ره‌ڤ مزگه‌فتان و چاڤه‌ڕێكرنا نڤێژێ پشتی نڤێژێ، ب ڕاستی ئه‌ڤه‌یه‌ زێره‌ڤانیكرن و چوونا د سه‌نگه‌ریدا بۆ خودێ».

«باشترین دینار زه‌لام دمه‌زێخیت؛ ئه‌و دیناره‌ یا ل خێزان و زارۆكێن خۆ دمه‌زێخیت و ئه‌و دیناره‌ یا زه‌لام ل حێشتر یان هه‌سپێ خۆ یێ شه‌ڕی د ڕێكا خودێدا دمه‌زێخیت و ئه‌و دیناره‌ یا ل هه‌ڤالێن خۆ د ڕێكا خودێدا دمه‌زێخیت». ئه‌بو قیلابه‌ی گۆت: ب خێزان و زارۆكان ده‌ستپێكر، پاشی ئه‌بو قیلابه‌ی گۆت: و ما خێرا كێ ژ یا وی زه‌لامی مه‌زنتره یێ مه‌زاختنێ ل‌ زارۆكێن بچویك دكه‌ت دا كو وان ژ هه‌ژارییێ بپارێزیت، یان خودێ ب ڕێكا وی مفای و زه‌نگینییێ بدەته‌ وان.

((هه‌ر پێنج نڤێژ، ئه‌ینی بۆ ئه‌ینییێ، ڕه‌مه‌زان بۆ ڕه‌مه‌زانێ، كه‌فاره‌ت و ژێبه‌رن بۆ گونه‌هێن د ناڤبه‌را خۆدا، (به‌لێ ب مه‌رجه‌كی) ئه‌گه‌ر مرۆڤی خۆ ژ گونه‌هێن مه‌زن دویر ئێخست)).

((هه‌می باشی خێر و صه‌ده‌قه‌نه‌)).

((تەقوایا خودایێ خۆ بکەن، هەر پێنج نڤێژێن خۆ بکەن، ڕۆژیێن هەیڤا خۆ بگرن، زەکاتا مالێ خۆ بدەن و گوهدارییا دەستهەلاتدارێن خۆ بکەن؛ (ئه‌گه‌ر هه‌وه‌ ئه‌ڤه‌ كر؛) دێ چنە د ناڤ به‌حەشتا خودایێ خۆدا)).

من پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ كریار ل ده‌ڤ خودێ ژ هه‌مییان خۆشتڤیتره‌؟ گۆت: ((نڤێژ د ده‌مێ وێدا))، گۆت: پاشی كیژ؟ گۆت: ((پاشی باشبوون د گه‌ل دایك و بابان))، گۆت: پاشی كیژ؟ گۆت: ((جیهاد د ڕێكا خودێدا)). ئبن مه‌سعوودی گۆت: ئه‌ڤه‌ هه‌می بۆ من گۆتن و ئه‌گه‌ر من پرسیارێن زێده‌تر ژی كربان دا بۆ من زێده‌تر بێژیت.

((مالێن خۆ نه‌كه‌نه‌ گۆڕستان، قه‌برێ من ژی نه‌كه‌نه‌ جه‌ژن (كو به‌رده‌وام بهێنه‌ سه‌ر) و صه‌له‌واتان بده‌نه‌ سه‌ر من، چونكی ب ڕاستی هه‌ر جهێ هوین لێ بن؛ صه‌له‌واتێن هه‌وه‌ دگه‌هنه‌ من)).

((هه‌ر كه‌سێ حه‌ز بكه‌ت ڕزقێ وی زێده‌ و به‌رفره‌ھ بیت و ژییێ وی درێژ بیت؛ هنگی بلا په‌یوه‌ندییێن خۆ یێن مرۆڤایینییێ بگه‌هینیت)).