Encyclopedia of Prophetic Hadiths

((بلا چ ژن بێی هه‌ڤژینێ خۆ یان مه‌حره‌مه‌كێ خۆ قویناغا دوو ڕۆژان گه‌شتێ نه‌كه‌ت، و ڕۆژی د دوو ڕۆژاندا نینه‌: ڕۆژا جه‌ژنا ڕه‌مه‌زانێ و ڕۆژا جه‌ژنا قوربانێ، نڤێژ ژی نینه‌ پشتی نڤێژا سپێدێ هه‌تا ڕۆژ هه‌لاتنێ و پشتی نڤێژا ئێڤاری هه‌تا ڕۆژ ئاڤابوونێ، و بار ناهێته‌ پێچان و گه‌شت ناهێته‌ كرن (ب مه‌ره‌ما عیباده‌تێ تایبه‌ت) ب تنێ بۆ سێ مزگه‌فتان نه‌بیت: مزگه‌فتا حه‌رام (ل مه‌كه‌هێ)، مزگه‌فتا ئه‌قصایێ و ئه‌ڤ مزگه‌فتا من (ل مه‌دینێ))).

((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆته‌ ژنه‌كا ئه‌نصاری - ئبن عه‌بباسی ناڤێ وێ ئینا بوو، به‌لێ من یێ ژبیركری‌-: «چ تشت بوویه‌ ئه‌گه‌ر كو تو د گه‌ل مه‌ نه‌هێیه‌ حه‌جێ؟» وێ ژنێ گۆت: مه‌ ب تنێ دوو حێشترێن ئاڤكێشانێ هه‌بوون، بابێ زارۆكێ من (زه‌لامێ من) و كوڕێ من ل سه‌ر ئێكێ ژ وان چوونه‌ حه‌جێ، و ئێك ژی بۆ مه‌ هێلا دا ئاڤێ پێ بكێشین، (ئینا پێغه‌مبه‌ری) گۆت: «ئه‌گه‌ر ڕه‌مه‌زان هات؛ عومرێ بكه‌، چونكی عومره‌ك د ڕه‌مه‌زانێدا به‌رامبه‌ری حه‌جه‌كێیه‌».

((چ ڕۆژ نینن كریارێن باش تێدا خۆشتڤیتر بن ل ده‌ڤ خودێ ژ ڤان ڕۆژان))، ئانكو: ده‌هكێن حاجییان، گۆتن: ئه‌ی پێغه‌مبه‌رێ خودێ، خۆ جیهادا د ڕێكا خودێ ژیدا؟ گۆت: ((خۆ جیهادا د ڕێكا خودێ ژیدا، ب تنێ ئه‌و نه‌بیت زه‌لامه‌ك ب نه‌فسا خۆ و مالێ خۆ ده‌ركه‌ڤیت و خۆ تشته‌ك ژ وان نه‌زڤڕیته‌ڤه‌)).

ئه‌ی پێغه‌مبه‌رێ خودێ؛ ئه‌م وه‌سا دبینین كو جیهاد باشترین كریاره‌، ئه‌رێ ئه‌م جیهادێ نه‌كه‌ین؟ گۆت: «نه‌خێر، به‌لكی باشترین جیهاد بۆ هه‌وه‌: حه‌جه‌كه‌ ب دروستی هاتبیته‌ ئه‌نجامدان».

((هەر کەسێ بۆ خودێ بچیته‌ حەجێ و د ڤێ حه‌جێدا نه‌چیته‌ نڤینا هه‌ڤژینا خۆ و ئاخڤتنێن نه‌دروست نه‌كه‌ت و خه‌به‌ران نه‌بێژیت و گونه‌هان نه‌كه‌ت؛ دێ زڤڕیته‌ وی ده‌مێ ژ نوی ژ دایكا خۆ بووی)).

((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).