Encyclopedia of Prophetic Hadiths

«ეს ქვეყანა მორწმუნისთვის ციხეა, ხოლო ურწმუნოსთვის სამოთხე».

«ჭეშმარიტად, სამოთხეში არის ხე, რომლის ერთი ბოლოდან მეორე ბოლომდე მანძილს სწრაფი და გამძლე ცხენით ამხედრებული მხედარიც კი ვერ გაივლის ას წელიწადში».

«მუჰამმადის (ალალაჰის ლოცვა და მშვიდობა მას) ოჯახი არასოდეს ჭამდა დღეში ორჯერ, გარდა იმისა, რომ ერთი მათგანი ყოფილიყო ხურმისგან(ფინიკისგან)».

«ვინც მთიდან გადახტება და ამით საკუთარ სიცოცხლეს დაასრულებს, იგი ჯოჯოხეთის ცეცხლში სამუდამოდ ჩავარდება და იქ დარჩება მარადიულად, ვინც შხამს დალევს და ამით თავს მოიკლავს, ჯოჯოხეთში შხამი მის ხელში იქნება და მარადიულად სვამს მას, ვინც საკუთარ თავს რკინით (იარაღით) მოკლავს, მისი იარაღი მის ხელში იქნება და ის მარადიულად ჩაირტყამს მას თავის მუცელში, ჯოჯოხეთის ცეცხლში მყოფი».

«გნებავთ, გამცნოთ ყველაზე დიდი ცოდვების შესახებ?» და გაიმეორა სამჯერ, მიუგეს: რა თქმა უნდა, ო, ალლაჰის შუამავალო. მან თქვა: «ალლაჰზე თანაზიარის დადგენა და მშობლებისადმი უპატივცემულობა». ის ნახევრად წამოწოლილი იყო, წამოჯდა და გააგრძელა: «და სიცრუეზე მოწმობა». და ის იმეორებდა მანამ, სანამ არ გავიფიქრეთ: "ნეტავი, გაჩუმდეს".

«ისლამი დაიწყო უცხოდ და კვლავაც დაბრუნდება ისეთი, როგორიც დაიწყო – უცხოდ. და ტუუბა უცხოებისთვისაა».

«იყავი ამქვეყნად ისე, თითქოს უცხოელი ან მოგზაური ხარ». აბდულლაჰ იბნ უმარი, დაე, ალლაჰი კმაყოფილი იყოს მათით, აგრძელებს: «როცა საღამო მოვა, ნუ ელოდები დილას, ხოლო როცა დილა მოვა, ნუ ელოდები საღამოს. ისარგებლე შენი ჯანმრთელობით, სანამ სნეულება არ დაგეწევა, და შენი სიცოცხლით, სანამ სიკვდილი არ მოგისწრებს».

«ალლაჰის შუამავლის (ალლაჰის ლოცვა და მშვიდობა მას) საწოლი გამხმარი ტყავისგან იყო, და პალმის ფოთლებით იყო გავსებული. მუსლიმის გადმოცემაში კი: ალლაჰის შუამავლის (ალლაჰის ლოცვა და მშვიდობა მას) ბალიში, რომელზეც წვებოდა ტყავის იყო, და პალმის ფოთლებისგან გაბსებული».